意外的X'mas禮物

今個 X'mas 前意外地收到呢份禮物, 多謝晒  I  love it ~~

影得唔清楚,  唔可以公開公司名, 所以只係影一半, 影唔到全個盒. 但都睇到啦.

LJ

閒話~

我既Blog 收埋, 又放返出黎, 我自己都係度諗為咩咁唔放心? 琴晚整理Blog 時, 見到一個以前有人留下一段說話, 睇返段留言, 覺得好奇怪, 到底那人係唔係自欺欺人呢? 心知那人心裏所想與表面其實不一致, 或者當局者迷唔覺啦.  對我講既說話, 以及以前攻擊我既態度係一樣, 一時好似冇, 一時又發左癲一樣好難控制, 呢d 就係佢講既EQ 低吧!

 

佢說甚麼我都唔會在乎, 因為我係我.

 

豪說, 唔需要理會人講咩, 只要每一日開心就夠. 我係佢身上都學會唔少.  可能係我個性有點執著, 或者係原則.... !

 

我希望唔會再有誤會, 所有事都會變得美好.

 

LJ

終於決定啦~~

結婚其實唔係2個人既事, 係2家人既事, 一大堆人既事!

搵地方已經搵左2星期啦. 真係好煩, 頭痛左2 日, 到底想點呢??

我地鐘意既地方, 屋企人唔鐘意. 屋企人鐘意既地方, 我地唔鐘意.  玩咩! 已經夠煩架啦.  到底點先可以大家都滿意.....

琴日發左成日脾氣, 真係'文'到我不得了.  其實自己都唔知'文'黎做咩....唉...

最後, 可能因為我既不滿.  今日大家終於都有共息啦, 雖然唔係大家都係心想既場地, 但起碼大家都可以接受, 不過不失.  所以, 唔想再搵啦, 真係夠啦.  決定呢幾日去落訂!  太好啦.

你地知ma, 我覺得結婚...我都未緊張, 肥肥佢地已經緊張定.

LJ

公仔人物

公仔, 得意既嘢, 對我黎講冇咩意思, 平時經過我都唔會行入去行. 由細到大我都唔會去買. 尤其係日本既公仔人物, 原因~ 冇興趣!

 

好似琴日, 約左Fung Fung 食飯, 佢會鐘意d 得意嘢, 行入去買公仔同精品, 見到一隻杯都話靚.不過我真係唔識欣賞, 我話: 靚?? 其實Fung Fung 都知我對呢d 嘢真係冇興趣.

 

好似見到d 人, 點解咁大個都會迷"Hello Kitty"

....其他等等...... 真係奇怪.  呢d 係童真? Cute? 未大透? 定係其他呢?

 

對我黎講, 完全真係迷唔上!  如果一定要揀....我會鐘意Disney既公仔人物多D.

 

LJ

大家都期待著

今日係平安夜前席, 心情不太好

, 因為琴日又講起收幾多既話題.  係唔係真係十萬...八萬唔少得? 我地已經好努力儲架啦.  2 個人結婚, 一定要其他人比錢? 唔係要靠自己既咩?  點解唔可以體量下, 我地既情況, 我地唔係大"富"人家, 咁可以點做?  又買樓, 又結婚, 又要準備新屋既嘢...等等.  等到出年下半年, 我地就可以收樓.  而唯一我地可以做既, 係慳得就慳, 見駛都唔可以駛.  只要捱呢一年, 我地就可以到達目標. 

 

黎緊呢年09年, 係我地一齊儲錢既第二年, 一年間真係不知不覺好快就過去. 儲錢儲左足足一年啦!  貶下眼, 依家已經係十二月.  上個月買左一層大家都啱feel 既樓, 銀行批好後, 我地都同父母講左, 我地既婚事, 依家等緊媽咪擇日子.  豪問我有冇緊張, 我話冇ar, 仲有一段時間, 而佢原來有少少架, 真係估唔到ar....

. 

 

相信大家屋企人都期待緊,  而且大家既屋企都係第一次攪囍事, 真係開心呀~~

 

LJ

批左啦

有幾間銀行, 前兩日已經批左啦!! 唉 .... 終於都批左啦~~.....

 

真係好驚架~

 

LJ

第一次開口講 ....

琴晚上左豪屋企食飯, 打算講一d 嘢, 而且屋已經批埋.  Auntie 都話我好耐冇上去食飯, 都係既....我都係諗住等銀行批左先上去食飯既, 起碼真係知道, 最重要o個Part 都攪好啦....真係放下心頭大石, 放鬆返.

 

食飯時, 只得我地3個人. 諗住佢會食飯時開口講, 又冇講, 食完飯, 又冇講, 到抵幾時講呢? 真係咁冇誠意? 定係咁難開口呀? 真係激氣.  就快睇埋電視都未講.  好啦, 唔講就唔好講, 呢d 就係你同我既誠意? 但係你話你真係有架....

 

我等到睇埋電視都未開口, 算啦, 我都係要返屋企. 唔等.  點知, 你係出門口時就同你媽咪講左.  我都唔知比咩反應好

 

LJ

等

等左都就快有2個星期.  係呢2個星期內一共搵左7間銀行做按揭, 填左一堆表格, 簽左一大堆名, 比左好多資料, 比完又比, 唔夠資料又要補, 真係好煩!

 等真係好折磨人, 到底幾時先知架.

 

一間...一間差唔多都有消息啦~但係可唔可確實d 姐. 

 

點呀. 有未呀?? 好心急呀!!

 

LJ

冤家{12.05.08-10:05}

琴日到底咩事?  唔好再比我見到你既嘢啦! 係生係死, 我都唔會放係眼內, 點解係都要處處逼人見到你既嘢架!!  我從不抗拒, 但係點解係都要咁賤格~要洗眼 呢件事一定要同陸生講! 呢個名已經唔係第一次, 亦都唔係第一個.  back to the hell 唉...你咁信因果, 真係前世囉 @@ 

LJ

囉囉髦

呢2日填左一大堆Form, 每間 Bank 都有幾份, 重覆又重覆! 你簽完, 我又簽; 我簽完, 你又簽, 雖然係一大堆, 但係我都仍然會好細心去完成. 聽日有重要事做, 相信又係大堆嘢.  BOC既Ms. Lam 係Ah 詩介紹比我地, 詩佢地都係搵佢幫手, 佢果然好好傾, 好 nice ar, 係電話度, 佢同我講左好多嘢. 

當有2間話估足! 又行前左一大步! 唔過2分鐘...又係好驚ar  
希望可以啦, 不過o係第二度可唔可以低 D ar @@.  雖然唔止BOC一間, 但係都仲係好驚架 ~~  大BG呀!!!!!!!!!!!!!!!!!!!!

LJ

努力中

間間都要搵, 每一間都要搵, 要咩資料出聲, 我地比!!
一定要得呀!

LJ

 

呢種係咩心情?

琴晚瞓得唔係咁好, 唔知係因為緊張, 擔心, 驚定係開心呢?? 心情好複雜呀

雖然係預期Budget之中, 但係我心裏面係大左架 .. ... ....哎哎... ~~ 呀~唔知講咩好!! 黎緊呢排大家都會好忙!! 又緊張!! 又驚!! 又開心同興奮!! o個種心情唔知點形容!!

又要再慳d 啦

LJ

 

大事件 ~ 8H

今日我地決定左一個好重大既事.  o係人多, 而且不停向我地講既請況下, 我地停留左好耐, 問左好多, 我地不停咬耳仔.  o係去o個個地方前, 其實大家都已經有心理準備做決定...是或否, 但仍然要睇下當時既環境同心理狀況.  我地係心大心細, 又想又唔想.....真係唔知點好, 周圍既人又多, 身邊又有人想說服我地. 但我仍然要專重佢既決定, 而佢又睇我頭~~ 我都怕會後悔呀!!

不過我地最後決定 gogogo!!! 結果仍然要等 2 星期先知道, 相信應該冇問題!! 真係又緊張, 又開心!! 

LJ

身體只係一個軀殼

星期一聽完醫生解釋後, 原來d 血入左心房後, 我既2尖瓣同3尖瓣,  合唔緊, 所以血倒流.  醫生話冇嘢可以做, 依家都冇咩問題, 只要定期check 住就可以啦.  如果有問題, 會影響肺血管同肺血壓高, 係需要食藥.  再嚴重d , 要做手術換心瓣.  依家我只係小事, 而且都唔係問題, 唔需要緊張, 而每一個出生都會有不完美架啦, 所以唔駛擔心呀

人既身體只係一個軀殼, 每朝可以瞓醒, 其實係一種福份, 得黎不易.  為咁多鎖碎既事而煩惱, 又真係幾唔值得.  但係有幾多人真係可以做到?

每次既小事...爭執...妒忌...嬲....等等..... 其實都係不外如是, 人人都為面子, 為自己. 正如我自己都唔係一個100%完美既人.  必定有既優點同缺 , 視乎我地用咩角度去睇同接納.  將心比己, 不要易怒, 係好愚蠢.

LJ

簡單要求?

昨日發你脾氣, 我說你對我和其他曾經和你一起的人都是一樣! 你說不是. 平日很少甜言蜜語的你, 昨日對我說最喜歡是我. 我說你不重視我, 重視自己比較多, 你說不是, 還說你會以我為先, 做甚麼事情會考慮我先, 是嗎? 真的要相信嗎? 你不懂情趣, 沒有一般情侶的驚喜, 平日你會以情侶既稱呼來叫我, 平日我們一起, 有講有笑, 是我不滿足? 還是我要求過高? 一起已有幾年時間, 朋友問我, 妳有沒有感覺他對妳有淡的feeling? 我說沒有. 我知道你喜歡和我一起.

我在想, 這不是一些高要求, 只是想得到女朋友應有的東西, 這也不對嗎? 既然他要改變自己來令我開心, 好像不是他真心似的.  如果他想我開心, 不是應該甘心地花心思花時間去付出氹我開心嗎? 令我覺得他是我的唯一? 還是我不是那麼愛他? 是我錯嗎? 大家一起, 不是要開心嗎?

LJ

心臟檢查

前兩日, 去左仁安醫院做左心臟檢查同驗血.  住左一晚, 真係好悶

係3個星期前, 感覺到心跳有d 唔妥, 圍持左幾星期, 突然有被嚇既感覺.  睇過醫生後,  醫生幫我book 左仁安醫院做運動心電圖+心臟超聲波. 

唔想媽咪周圍搭車同辛苦.  星期六一早, 陸先生過黎同我食過早餐後, 我地出發去仁安.  今次係我第二次去呢間醫院, 第一次去時, 比我既感覺係一間酒店式既醫院, 當時唔需要留院, 就可以走啦.  佢唔同一般既私家醫院, 且而d 人好nice & 設施都唔錯& 服務都OK!!  

原先book 左大房, 因為未能夠可以安排比我, 所以upgrade 左去2人房.  辦好入院手續, 比左按金後, 就上房啦, 先先要做基本檢查, 磅重, 量血壓...等等. 今次都唔例外, 因為今次要留院既原固, 醫院亦準備左一套新既日用品. 果然周到, 有衣櫥, 床頭櫃, 雪櫃, 獨立電視......~~  當然電話同order menu 都唔少得啦.  而且仲有免費既wifi .... 到左11點幾啦.  過左一陣, 我就安排去心臟科, 做檢查啦. {我緊唔緊張? 我一d 都唔緊張呀. }

心臟超聲波做左約20-25分鐘.  運動心電圖會有好多線係身.... 而且分左3個stage 去做. 好攰+ 好熱.....攰到我要叫停, 真係'史...'.  檢查呢段時間, 陸生去左整電話, 都好.....佢唔會on 居居等我ar ma.  返左上房後, 姑娘話要抽血! 吓??? 我問....醫生話聽朝先抽??  唔係要空肚抽咩?? 其實我都仲未有心理準備.  過左一陣, 我就要禁食到, 5點呀, 真係好肚餓, 姑娘問...如果真係好肚餓, 可以聽日先再抽, 唔緊要架.  我諗算啦, 都唔志在, 仲有2個鐘就可以食返嘢. 而且早d 有report 都好!
不知不覺間原來抽左3支血ar!  陸生全程在場, 佢仲話, 我終於知道點解可以一次過抽3支血, 因為佢都抽過3支.  佢解釋完後, 我話, 乜原來抽左3支呀!!  唔怪得比平時耐啦.  之後, 好肚餓既我, order 左2個tea set   到左夜晚再叫多個粥. 超飽啊 ~~ @@!!  睇埋雜誌...打埋NDS...睇埋電視...又可以大聲嘢, 怕嘈住隔離休息, 個女仔好唔舒服....ZZZzzzzZZzz 我差d 悶到瞓著.  終於到左醫生巡房, 大部份報告已經有啦! 運動心電圖&驗血報告冇問題. 心臟超聲波見到心瓣有少少嘢. 係血向下流時, 有時d 血會彈返轉頭, 向上.  其實我都唔知係咩.....不過醫生話又唔係好大問題.  問我要唔要轉介去心臟專科.  我諗唔駛啦.  其實呢幾日心口有拮拮下同'冤冤' 地既感覺, 有種酸軟感.  醫生話係肌肉或者胃酸倒流既原固.  但係...我唔係好同意呢個原因lor. 
我沖涼時, 我聽到個女仔嘔, 不過最慘係, 嘔唔出, 眼都紅晒. 陸生仲問, 不如問佢要唔要d 粥, 但係個女仔, 真係嘔得好辛苦, 食唔到.  夜晚佢仲痛到叫左好多次姑娘, 打左針, 仲要吊返朝早拆返落黎既鹽水.  我聽到, 都覺得好辛苦.
陸先生9點幾, 就走啦, 因為佢仲未食晚飯, 第二朝會黎接我, 所以係時候要返屋企休息, 真係辛苦晒你啦!!   夜晚唔可以長時間熟睡, 姑娘每隔一段時間就會入黎.  到左早上一早又要探熱, 量血壓...d 嬸嬸又黎清潔. 好忙,... 我只好準備出院既look,  食埋早餐, 陸生到! 再等.... 醫生到埋!! 出院啦!!
住左一晚, 但係點解都係咁攰架?? 可能係大家都悶都傻左  今次真係辛苦晒你啦!!  入院時, 我仲話要去睇BB, , 哈....., 最後都冇去lu.

LJ+ HO