我話事

呵呵~

算啦, 都係我話晒事啦... 廢事講多錯多, 做壞左自己既事, 影響自己心情, 又會因為我既心情, 間接影響埋其他人 ,  都係我自己決定晒好d, 唔好煩! 所以呢, 咩事都好, 依家我話晒事, 一個二個唔好咁囉囉唆唆, 比意見我會諗下!

"全部我話事, 我話咩就咩, 一個二個都唔準出聲"

原來, 要咁樣做... 可能係最好架.

昨晚聽陸生講, 豪媽講左d 嘢. 豪媽話我地駛好多錢... 詩又叫豪媽問我地夠唔夠錢...  如果唔夠要出聲... 佢地一定會幫..... 幾兄妹攪掂佢 嗯... 聽完後, 覺得好好呀.

不過, 我地買樓, 結婚, 係我地決定要做既事, 我地唔想麻煩其他人, 而且自己既事, 自己解決.  我明白佢地既關心, 收到晒啦~ thx!!   我地可以呀! 唔駛擔心, 大日子越黎越近, 黎緊呢兩個月會好忙啊! 開心咁忙

LJ

交易

到底結婚係唔係一種交易?? 我係一件貨物??  定係我誤會左?? 我係唔係要收返之前既說話呢??

真係有點 Hurt   依家開始, 唔比你地話事, 我話咩就咩, 點就點!! 唔再問你地, 一就一, 二就二, 對你地好d 都唔得架~!! 仲諗住有人幫我諗下, 有人理下. 哼

還是好好包裝自己送出去吧!!

LJ

My Mami is the BEST in the World

啱啱過左既星期日20號媽咪同豪媽佢地又見面啦~

第一次出黎時, 大家只係見過面, 飲下茶都冇咩特別, 應該要傾既事都冇傾.

可能日子越黎越近, 我地大家係家長既私底下已經諗好晒, 傾好左想點. 

豪媽係一個好易相處既人, 大家都好好, 好好傾.  大家相處滆洽

見面時既言談中, 我感覺到媽咪對我既愛錫, 擔心我離開父母會辛苦, 會唔放心. 而我由小到大到未離開過佢. 雖然只係一段對豪媽講既說話, 但係我地係旁邊聽到, 感覺已經好深  so touching

其實我知道...做女真係好舒服, 好多事有屋企人care, 真係幸福無比!!  黎緊既將來, 我要好好學識照顧自己, 照顧別人! 適應新生活, 過我另一個人生既新階段.

係! 我都感覺到我就快要離開屋企, 我要嫁啦

媽咪 is the best

LJ

打風後的新屋

由上星期尾起開始有點作感冒, 加上要收樓, 真係好攰

因為公司有同事確診 "流感" , 當我有少少喉嚨痛就馬上去睇醫生了. 藥力太勁了, 係巴士上瞓到矇矇矓矓, miss 左好多個陸生既電話, 要落車後先知. 真係好攰呀!! 同陸生食過 tea 後... 到元朗join 豪媽佢地. 而我決定唔食藥

呆呆滯滯左2日, 星期一唔想返工, 再睇多次醫生, 今次既藥唔可以再係咁攰啦~ 真係頂唔順 因為同事確診既關係, 醫生比我放兩日sick leave, 終於都可以休息一下啦  中午時還要到感流診所驗流感, 不過佢地錢就識收, 唔同我驗wor, 因為我冇發燒, 唔係高危病人, 所以唔check! 我連藥都唔要就走左 (又唔係我想, 係公司要我驗jar). 返到屋企, 打電話去醫院管理局投訴!

心諗: 只係我冇爆發出黎姐, 依家周街都係啦~ 已經好普遍.

回家睇discuss, 陸生話有鄰居, 因為打風後間屋入左水, 仲有相為証.  大家都有d 心急, 於是食過晚飯後, 我地就出發去新屋睇下.  Check 左一輪, 好彩...冇事...冇入水  大家都安心. 

仲執緊 Defect, 完成後... 第一步係整窗簾   yeah!!!

LJ

 

Our Lovely House

星期五上律師樓, 星期六收樓.  星期日真係好熱, 而且好焗, 行入去新屋, 真係好辛苦, 成個人都溶左 Poor~~  記起同事說, 因為有個風黎緊. 唔怪得啦, 搭輕鐵時, 外面既天氣好似火球, 天氣變啦... 好驚 再加上作感冒, 有少少辛苦, 不過為左新屋, 點都要去, 就連有星光光熠熠耀保良既飛都唔去 lu~

第一日收樓，我地同豪媽，婆婆同埋細舅父一齊去收樓.

1/F Club House Lobby

廚房

廳

When I'm lying on the floor~

1st Bedroom

睡房內的防盜警鐘

2nd Bedroom

細細露台

Washroom

我們的家

LJ & HO

Pre-wedding Photo

有相喇!  Post 幾張比大家分享下

中環 LV shop

中環 Chanel 門口

呢張勁ar, 用9秒秒時間影, 都唔錯ar

係天橋上

室內園景

園景

水池景

室內景

中環 Car Park 預層, o個晚個月光係真係咁圓架, 唔係執架

Post 住咁多先啦

LJ