轉 Illuma Stage 3

今日開始幫 Nok Nok 轉 Illuma Stage 3.  原因係上兩個月Nok Nok 一次過出6 隻牙仔, 慢慢食嘢都變差了. 時時冇胃口, 只喜歡飲奶, 有時食幾啖就唔食. 上兩星期發燒, 變得更差, 可以全日都唔食, 剩係飲奶... 真係冇晒付..... 每餐食飯, 就好似打仗咁, 好勞氣.  唔可以咁落去, 瘦晒啦, 冇營養.  所以決心轉隻貴d 既奶粉, 可以吸收得好d. 我之前都想轉 Illuma, 但真係貴左d, 見Nok Nok 飲美素佳兒都唔錯, 就比佢繼續飲.  Nok Nok 婆婆覺得轉美素佳兒 3 號後, 便便冇之前咁好, 又唔知係唔係因為奶粉定係出牙仔, 所以食嘢又差左.  婆婆都覺得係時候轉隻好d 既奶粉比佢試下, 貴d 都要買, 始終只有16個月大, 身體各方面都好重要, 要食返好佢. 之前仲話 "等阿媽發左達就幫你轉Illuma, 依家又冇做嘢, 做左全職媽媽, 咁係唔係發左達? 

希望Nok Nok 轉左奶粉後, 吸收同飲食方面會比之前更好.

Mami

The first time swimming

話說原本7.1 約左大嫂佢地同小朋友去清水灣游水, 點知遇著打風, 怕落雨取消左.

7.14 再約, Nok Nok 第一次去, 佢真係好驚落水.  第一: 已經驚驚地, 第二: 一落水就食左幾個浪, 仲驚左, 第三: 可能d 水都凍凍地, 所以唔鐘意. 一放落水就鬧人啦

唔緊要啦, 都係第一次, 下次 Daddy, Mami 帶你去泳池會好開心架

Mami                    

連續幾日發燒

7月6日晚開始, 去完奶奶屋企食飯返屋企, Nok Nok 沖完涼全身都好慶, 原來發燒,  一發就好幾日, 最高高過39度.  琴日係身上見到紅點, 醫生話係病毒疹.  陰公豬, 又唔肯食, 又發燒瘦晒啦....

幾晚裹面, 半夜發燒, 大家都即刻彈起, 幫 Nok Nok 換退熱貼, 抺身, 食藥, 擔心.... 差不多個幾鐘後, 燒開始慢慢退, 大家可以再瞓多陣了.

Mami