大事件 ~ 8H

今日我地決定左一個好重大既事.  o係人多, 而且不停向我地講既請況下, 我地停留左好耐, 問左好多, 我地不停咬耳仔.  o係去o個個地方前, 其實大家都已經有心理準備做決定...是或否, 但仍然要睇下當時既環境同心理狀況.  我地係心大心細, 又想又唔想.....真係唔知點好, 周圍既人又多, 身邊又有人想說服我地. 但我仍然要專重佢既決定, 而佢又睇我頭~~ 我都怕會後悔呀!!

不過我地最後決定 gogogo!!! 結果仍然要等 2 星期先知道, 相信應該冇問題!! 真係又緊張, 又開心!! 

LJ

身體只係一個軀殼

星期一聽完醫生解釋後, 原來d 血入左心房後, 我既2尖瓣同3尖瓣,  合唔緊, 所以血倒流.  醫生話冇嘢可以做, 依家都冇咩問題, 只要定期check 住就可以啦.  如果有問題, 會影響肺血管同肺血壓高, 係需要食藥.  再嚴重d , 要做手術換心瓣.  依家我只係小事, 而且都唔係問題, 唔需要緊張, 而每一個出生都會有不完美架啦, 所以唔駛擔心呀

人既身體只係一個軀殼, 每朝可以瞓醒, 其實係一種福份, 得黎不易.  為咁多鎖碎既事而煩惱, 又真係幾唔值得.  但係有幾多人真係可以做到?

每次既小事...爭執...妒忌...嬲....等等..... 其實都係不外如是, 人人都為面子, 為自己. 正如我自己都唔係一個100%完美既人.  必定有既優點同缺 , 視乎我地用咩角度去睇同接納.  將心比己, 不要易怒, 係好愚蠢.

LJ

簡單要求?

昨日發你脾氣, 我說你對我和其他曾經和你一起的人都是一樣! 你說不是. 平日很少甜言蜜語的你, 昨日對我說最喜歡是我. 我說你不重視我, 重視自己比較多, 你說不是, 還說你會以我為先, 做甚麼事情會考慮我先, 是嗎? 真的要相信嗎? 你不懂情趣, 沒有一般情侶的驚喜, 平日你會以情侶既稱呼來叫我, 平日我們一起, 有講有笑, 是我不滿足? 還是我要求過高? 一起已有幾年時間, 朋友問我, 妳有沒有感覺他對妳有淡的feeling? 我說沒有. 我知道你喜歡和我一起.

我在想, 這不是一些高要求, 只是想得到女朋友應有的東西, 這也不對嗎? 既然他要改變自己來令我開心, 好像不是他真心似的.  如果他想我開心, 不是應該甘心地花心思花時間去付出氹我開心嗎? 令我覺得他是我的唯一? 還是我不是那麼愛他? 是我錯嗎? 大家一起, 不是要開心嗎?

LJ

心臟檢查

前兩日, 去左仁安醫院做左心臟檢查同驗血.  住左一晚, 真係好悶

係3個星期前, 感覺到心跳有d 唔妥, 圍持左幾星期, 突然有被嚇既感覺.  睇過醫生後,  醫生幫我book 左仁安醫院做運動心電圖+心臟超聲波. 

唔想媽咪周圍搭車同辛苦.  星期六一早, 陸先生過黎同我食過早餐後, 我地出發去仁安.  今次係我第二次去呢間醫院, 第一次去時, 比我既感覺係一間酒店式既醫院, 當時唔需要留院, 就可以走啦.  佢唔同一般既私家醫院, 且而d 人好nice & 設施都唔錯& 服務都OK!!  

原先book 左大房, 因為未能夠可以安排比我, 所以upgrade 左去2人房.  辦好入院手續, 比左按金後, 就上房啦, 先先要做基本檢查, 磅重, 量血壓...等等. 今次都唔例外, 因為今次要留院既原固, 醫院亦準備左一套新既日用品. 果然周到, 有衣櫥, 床頭櫃, 雪櫃, 獨立電視......~~  當然電話同order menu 都唔少得啦.  而且仲有免費既wifi .... 到左11點幾啦.  過左一陣, 我就安排去心臟科, 做檢查啦. {我緊唔緊張? 我一d 都唔緊張呀. }

心臟超聲波做左約20-25分鐘.  運動心電圖會有好多線係身.... 而且分左3個stage 去做. 好攰+ 好熱.....攰到我要叫停, 真係'史...'.  檢查呢段時間, 陸生去左整電話, 都好.....佢唔會on 居居等我ar ma.  返左上房後, 姑娘話要抽血! 吓??? 我問....醫生話聽朝先抽??  唔係要空肚抽咩?? 其實我都仲未有心理準備.  過左一陣, 我就要禁食到, 5點呀, 真係好肚餓, 姑娘問...如果真係好肚餓, 可以聽日先再抽, 唔緊要架.  我諗算啦, 都唔志在, 仲有2個鐘就可以食返嘢. 而且早d 有report 都好!
不知不覺間原來抽左3支血ar!  陸生全程在場, 佢仲話, 我終於知道點解可以一次過抽3支血, 因為佢都抽過3支.  佢解釋完後, 我話, 乜原來抽左3支呀!!  唔怪得比平時耐啦.  之後, 好肚餓既我, order 左2個tea set   到左夜晚再叫多個粥. 超飽啊 ~~ @@!!  睇埋雜誌...打埋NDS...睇埋電視...又可以大聲嘢, 怕嘈住隔離休息, 個女仔好唔舒服....ZZZzzzzZZzz 我差d 悶到瞓著.  終於到左醫生巡房, 大部份報告已經有啦! 運動心電圖&驗血報告冇問題. 心臟超聲波見到心瓣有少少嘢. 係血向下流時, 有時d 血會彈返轉頭, 向上.  其實我都唔知係咩.....不過醫生話又唔係好大問題.  問我要唔要轉介去心臟專科.  我諗唔駛啦.  其實呢幾日心口有拮拮下同'冤冤' 地既感覺, 有種酸軟感.  醫生話係肌肉或者胃酸倒流既原固.  但係...我唔係好同意呢個原因lor. 
我沖涼時, 我聽到個女仔嘔, 不過最慘係, 嘔唔出, 眼都紅晒. 陸生仲問, 不如問佢要唔要d 粥, 但係個女仔, 真係嘔得好辛苦, 食唔到.  夜晚佢仲痛到叫左好多次姑娘, 打左針, 仲要吊返朝早拆返落黎既鹽水.  我聽到, 都覺得好辛苦.
陸先生9點幾, 就走啦, 因為佢仲未食晚飯, 第二朝會黎接我, 所以係時候要返屋企休息, 真係辛苦晒你啦!!   夜晚唔可以長時間熟睡, 姑娘每隔一段時間就會入黎.  到左早上一早又要探熱, 量血壓...d 嬸嬸又黎清潔. 好忙,... 我只好準備出院既look,  食埋早餐, 陸生到! 再等.... 醫生到埋!! 出院啦!!
住左一晚, 但係點解都係咁攰架?? 可能係大家都悶都傻左  今次真係辛苦晒你啦!!  入院時, 我仲話要去睇BB, , 哈....., 最後都冇去lu.

LJ+ HO

連環照

Mama 生日時所拍的連環照片 ~~

嘻嘻~~@@ 登.登.登..登......同媽咪既“一”張合照 .  多謝陸叔叔.
陸叔叔係邊個? 咪就係uncle six lor. 

LJ

只要和你在一起

比左歌你後, 有日你同我講, 收音機成日聽到呢首歌, 我問係咩, 你話唔清楚歌詞係咩, 不過你笑笑口咁....你就比左個ear phone 我啦, 我聽聽下, 我就諗起我比你既新歌裏面有呢首歌, 睇返...原來歌名係 "只要和你在一起".  一路聽, 留意歌詞, 有種甜絲絲既感覺 .  不過聽聽下, 到底呢首歌係咩意思??

係咩?? 結婚真係會好多人用呢首歌咩??

 

每次奔波工作裡 也差點想氣餒 差些死去
有你攀山都有趣 吃苦都多麼趣 輕鬆面對
流過似水歲月 奮鬥十年買戒指
才永遠緊記你特殊位置 沒忘記彼此

能與你一起 更艱難更在乎你
能與你一起 哪管財富賺不起
能與你一起 我的殘缺亦完美
能一起 贏輸都勝利 能一起 才珍惜運氣

抗拒一天很富有 怕多一些引誘 一班損友
要你開心經已夠 愛幾多都不夠 相當內疚
迎接各種挫敗 有錯便和你告解
純樸會比較做巨人愉快 未為意好歹

能與你一起 更艱難更在乎你
能與你一起 哪管財富賺不起
能與你一起 我的殘缺亦完美
能一起 贏輸都勝利 能一起 才珍惜運氣

當有天身心灰飛 唯恐明日會離開你

能與你一起 半羹鹽也是甜美
能與你一起 最驚誰有日先死
能與你一起 哪管和你被遺棄
捱得起 旁觀者妒忌 捱得起 人生只為你

LJ

爭論一個問題

琴日我地爭論左一個問題.  真係激氣!
平日放工我地好少會一齊出去拍拖. 放工後,個心已經想返屋企, 而且放左工, 出街又冇地方好去, 又唔知食咩, 第2日又要返工, 都唔去得耐啦, 來來去去都係o個幾個地方.  不如安安定定返屋企會舒服好多. 更加唔駛亂駛錢~
琴日我就專登問佢, 你仲咩平日唔約我出去呀? 之前都講過架啦!!
佢就即刻問: 今晚出去睇戲食飯好嗎?{哼! 我心諗緊係唔好啦!!}

我話: 我依家問你, 你先約我! 我唔出!

之後佢就答左我一輪又抵死...又激氣既說話: 我諗住今日下晝約你, 想比驚喜你.  比驚喜你, 唔通要一年前講定咩?

Oh!!!God!!! 救命ar!!! 真係激氣到不得了, 之後佢仲話, 我都係笑住咁講. 仲叫我唔好嬲,嘻皮笑臉, 氹我.  我唔會理佢架, 佢既歪理, 實在真係令我想打爆佢!!
之後我就煩左佢一個下晝  hohoho....問你死未!! 到左放工, 佢打黎, 我唔理佢, 佢好似開鳥籠雀咁, 又再開始嘻皮笑臉. 哎....你係得既!!

其實2個人相處就係咁架啦!

LJ

買得好開心啊 ^^

呢幾個星期我買左好多嘢啊, 買親都係4位數字, 好彩有個財爺係度, 呵呵~~! 而且簽card 有積分.  都賺左架. 

好耐都冇買嘢, 依家一買就成千咁入貨, 佢話...: 你買嘢都幾狼....我話: 我唔狼架啦依家. 

因為要儲錢既關係, 好多時候都要制止自己駛錢, 要停買....擺買.....  有時都會冇mood 架, 好似好冇樂趣咁呀.  不過, 依家習慣左, 又唔係一回事, 唔算得d 咩, 因為有好多人冇錢, 一樣都可以過得好開心.  佢係一名慳仔, 要儲錢所以唔駛錢, 最近我地都齊齊換左一個新電話, 補返價, 其實唔貴.

人越大越懶, 唔多護膚既我, 發覺皮膚差左, 哎呀~未到30已經老啦....點算好!!  一向對Fancl 呢個牌子我都冇興趣, 而佢既落妝油係好久以前用過幾支, 之後都冇再用. 唔用Fancl 既我, 係上個月頭開始以試下既心態, 就買左啦, 用左2日Fancl 既 mask ....eeee....真係work 架wor, 連佢都話好! 跟住再keep 住test 下skin.  又入貨, Fancl 既product 真係唔平, 細細支, 又唔放得耐, 買親都要幾支咁買....不過我已經好制止架啦, 最後都係4位數字收手, 每一次我個財爺都會等我, 然後比錢, 有時玩耐左, 我都覺得唔好意思啊 .  有時佢仲會問我, 呢個星期要唔要去Fancl 呀? ummm..... 唔駛架啦, 過多一排先啦.  買左2次嘢, 仲送埋藍梅醬, 我屋企人好鐘意食, 太好啦! 肥肥仲話我:點解你用返轉頭架?? 其實我想買SKII 架..... 最後諗諗下都係唔好,  遲d 先啦.

多數我地行街都係Window shopping, 我對買嘢又唔係真係瘋狂到不得了, 只係一買就不可收拾, 不過放心, 我已經改左好多架啦. {一定要忍手!).... 但係....前兩日萬靈75折, 有d 更加折左再8折, 我就係一個師奶咁, 去左萬靈3次入貨. 佢就睇佢鐘意既嘢. 其實我主要都係買Skin Doctor 既Eye Tuck, 買左2支, 又見到佢既24hrs 保濕咁平, 又買埋. 又幫媽咪入貨, 買左幾支lotion, 等等....., 買嘢令人好開心, 買完後好滿足同輕鬆! 最後當然少不了我既財爺陸先生啦.  佢仲話: 用左積分, 呢D 積分都係你既....積分真係有好多wor.  今次又係4位數字. 買買埋埋, 可以唔駛買啦.

黎緊我想轉另一隻牌子lotion比佢用, 不過佢又話唔駛, 依家用緊呢隻 ok. 咁就買支handcream la, 手乾會唔舒服架.  對於一個男仔, 肯搽嘢好好架啦.   講開handcream 用開L 字頭, 感覺好'立', 幾經辛苦終於用晒, 肥肥就送左一set C字頭既比我, 幾好wor, 之前好似冇咁好用架.....?? 真奇怪.   仲有, 佢支磨沙唔錯架.

LJ+HO