感情有時間限制嗎?

你認唔認同感情係有時間限制?  其實我認同!

一段感情既開始, 即係一段感情既結束, 就算係一生一世, 有一日大家都會分離到另一個世界.  重覆再重覆...

當一段感情開始, 好似一棵植物一樣, 要適當地淋水, 施肥, 陽光, 滅害蟲等等....,.  其實, 仲要經歷時間, 風吹雨打, 最後先能夠開花結果~~ .  欠缺一項, 感情既限期或者真係會來臨 (係唔係講到好嚴重ar  , 因為呢個就係現實世界).  人與人之間既相處, 可以話難, 可以話易, 視乎你有冇交心,  呢d 都係雙方付出既成果.  是嗎?   磨練過後, 又係一番新境象.

 

好好待人, 亦要好好待自己, this is me!

 

LJ

一位朋友既Blog講起他

睇到一位朋友既Blog.  依家知道多一d某人係點既人.  雖然佢對你好好, 最後亦會傷害你.  當初同佢分開係正確!  我冇後悔, 都唔會.  今日諗返, 反而開心..... 因為我走得快 hohohoho!  但同佢一齊, 好多事都唔需要諗同擔心, 物質上感情上都好滿足, 好多事都為我安排.  喂! 聽落好好, 而且大家屋企人都好滿意同開心.  人長大左, 再諗真 d, 比我再揀既話, 我都唔會再同佢一齊.

同佢分開係有唔開心既時候, 心亦想再一齊, 但係我冇勉強, 奇怪既係, 點解分開左, 仍然要日日打電話比我呢?  而且佢都開始有另一段感情啦.  差唔多大半年, 都一樣, 之後開始逐d 逐d 減少.  所以呢....呢d 多情種只適合做朋友, 唔適合做理想對象.  分開以後, 我亦擴闊左生活圈子, 已經唔再係被照顧既雀仔啦.  記得直到上年年中, 仍然有搵我食飯.  最後打電話比我叫我去第二間公司一齊做, 唉...我緊係唔會啦! 傻既.

當初我地分開後, 我有一段新感情開始, 我地仍有contact, 有次佢仲約我睇戲送左條頸巾比我, 佢話佢都一條唔同色wor, 我緊係唔要啦, 但最後都要左....(推黎推去好肉酸) 臨走時仲攬住我, 鍚左我一啖! Wah.... 我都黎唔切有反應, 好突然, 佢更話, 仍然掛住我.  唉....佢o個陣已經冇女朋友, 不過好似有一個女仔追緊.(好多情呀!!)  可能我對佢既感情比較深, 所以仍然有一種感覺   依家緊係唔會有啦 而我當時既男友, 成日都唔係香港, 感情只係一般, 最後因為佢既性格同脾氣, 我頂唔順, 所以唔再搵佢 lu.  同時間, 我有另一班新既朋友, 好開心, 之後我同陸生就開始左  

我依家好滿足架啦.  希望以後既日子都會係 ...... heeheehee ~~

LJ 

So Happy!~~feeling good

好開心呀!! 

原來不知不覺間，我有好多朋友架.....小學同學、亞 Sir、中學同學、Sara Beattie 既同學、朋友、ex同事、身邊既人、朋友既朋友.... 好多好多 ~~ 全部都係我既朋友!  當然仲有屋企人啦 有你地我真係覺得好開心。

仲有你呀, 多謝你送比我既禮物, "Surprise" thx so much !!

 

朋友有左BB, 好開心呀, 努力呀, 有BB 係有少少唔舒服架啦, 好快會過, BB 眨下眼就會出世.  你會係一個好媽媽!  恭喜晒.
發覺有 d 朋友原來已經結左婚, 有 d 就黎結, 有 d 有左 BB.  但未結既都有好多，亦都冇心急既心情，因為大家都知道自己要求係乜嘢.  時間真係過得比想像中快, 唔知下一個係到邊個呢?  呢個時候，我都感覺到越黎越近.

 LJ  心情好輕鬆....feeling good! 幸福

星期天 17/8/2008

唔知點解依家越黎越唔想寫 Blog, 覺得好悶 因為寫 Blog 始終都唔係我既作風.  見到朋友寫下, 咁今次又寫下啦.

琴日買左個袋.  我真係諗都冇諗過你會話去買架.  我地睇完 地心探險3D 版後, 就去左TST 睇袋, 點知個Sales 話賣晒, 我地好輕鬆咁搭船去中環 Landmark 睇啦(好舒服).  唔知仲有冇呢, oh...原來仲有貨.  我地仲去左沾仔食雲吞麵, 都幾好食呀.  買完嘢...真係好開心 .
返屋企前我同陸先生去左買日式芝士蛋糕, 蛋糕個樣真係麻麻....不過媽咪話要係o個間買, 咁冇計啦, 聽佢話! hehe 我地就搭 Taxi 返屋企, 點知比人呃左$10 呀~~找少左$10呀 , 真係激氣.  唉..., 算啦都冇左啦...~~ 返到屋企, 緊係有骰骰歡迎啦, 仲有時間我地幫茄茄轉盆,  你ar, 攪到好似打完風咁, 真係笑死人啦 hahahaha...!!!!!  時間好緊湊, 肥肥打黎啦, 係ar...我地約左 6 點鐘食飯架.  媽咪話佢講得好勞氣, 之後, 我地各人準備出發.

我地 6個人叫左一個 4人套餐, 另外再加多2個小菜, 啱啱好, 仲有少少剩, 真係好飽, 大家都食得好開心, 好滿足.  最後, 仲有糖水送. Yummy!!

不過, 仲未尾升, 大家返屋企後, 我同陸先生帶骰骰去行街街, 行完返屋企肥肥係度試緊我攞比佢既衫, 骰骰都有架.  好啦, 食蛋糕, 日式芝士蛋糕, 味道清清地, 就係好似依滕家既日式芝士蛋糕咁囉, 好好味, 亞禮都話好味 wor. 幾好呀, 食完飯仲可以食得落個蛋糕, 一 d 都唔heavy ar! 

琴晚真係好攰.  好夜瞓.  依家作息定時, 唔想太夜瞓啦, 生活先健康ar ma.

LJ & HO  骰骰

今日返到公司, 佢地都話個袋靚呀, 仲話我咁富貴.  係呀, 我男朋友買比我架.

陳奕迅 - 最佳損友

最佳損友


朋友我當你一秒朋友
朋友我當你一世朋友
奇怪過去再不堪回首
懷緬時時其實還有
朋友你試過將我營救
朋友你試過把我批鬥
無法再與你交心聯手
畢竟難得有個最佳損友
從前共你促膝把酒傾通宵都不夠
我有痛快過你有沒有
很多東西今生只可給你
保守至到永久
別人如何明白透
實實在在踏入過我宇宙
即使相處到有過裂口
命運決定了以後再沒法聚頭
但說過去卻那樣厚

問我有沒有
確實也沒有一直躲避的藉口
非甚麼大仇
為何舊知己在最後變不到老友
不知你是我敵友
已沒法望透
被推著走跟著生活流
來年陌生的是昨日最親的某某
生死之交當天不知罕有
到你變節了至覺未夠
多想一天彼此都不追究
相邀再次喝酒
待葡萄成熟透
但是命運入面每個邂逅
一起走到了某個路口
是敵與是友
各自也沒有自由
位置變了各有隊友
問我有沒有
確實也沒有一直躲避的藉口
非甚麼大仇
為何舊知己在最後變不到老友
不知你是我敵友
已沒法望透
被推著走跟著生活流
來年陌生的是昨日最親的某某
早知解散後各自有際遇作導遊
奇就奇在接受了各自有路走
卻沒人像你讓我眼淚背著流
嚴重似情侶講分手
有沒有
確實也沒有一直躲避的藉口
非甚麼大仇
為何舊知己在最後變不到老友

不知你又有沒有
掛念這舊友
或者自己早就想碰頭
來年陌生的是昨日最親的某某
總好於那日我沒有沒有遇過某某

由一個階段走向另一個階段既開始

我坐係車上, 隔住玻璃窗, 見到佢地2個o係度 講緊架車既時候 ~~ 我在想...原來真係到啦, o個一日慢慢越黎越接近.  有一種好特別既感覺.  人長大左, 唔可以再依賴屋企, 開始要好好準備將來既生活, 至係啱.  當講到要談婚論嫁, 我仍然覺得自己仲好細個, 好似係啱啱出黎做嘢一樣.  還未有心理準備, 但事實又係差唔多時候.

依家我地要為另一個階段作準備.  雖然由冇車...到有車, 又有車...到賣車, 都係開心架, 因為就係由一個階段走向另一個階段既開始.  回憶一下個片段, 其實都幾甜.  你地明唔明呀?

LJ+HO

Bye Bye 啦 .... R