壞心情

我常問, 結婚唔係好開心既咩? 點解我唔覺得既? 我冇感覺到呢份喜悅? 係我有問題嗎? 朋友結婚, 我會好開心, 會覺得朋友好開心.  係我有壓力? 亦或係我太鐘意胡思亂想, 凡事想得太差.

我知道我要克服, 要令自己開心. 重新令自己準備做新娘子既開心同興奮.

朋友同你都話, 未到所以唔覺姐, o個日一定會好開心架! 係既~!

但係依家唔係應該都係好開心好興奮既咩?? 真係奇怪! 有人可以話我知嗎? 或者係因為壓力! 太多錢要駛啦~~

我成日發脾氣, 發悔氣 你都可以忍! 好厲害, 你既EQ 比正常人高出幾千倍. 哎, 但都有一個弱點....... 就係 hohohoho

LJ

又完成一件事了

 今日心情已經好返好多啦..... 原來用咩心情去面對一件事, 對自己既情緒都會有好大影響.  我既心情飄忽不定, 煩死人!

琴日我終於逆左自己意&媽咪心想既菜單改左lu.....唉....好似d friend 話齋, 留返d 錢係身邊好d...... 咁又係....~ 但係一生人一次, 唔係要好d 既咩....真係煩. 各方都話菜單合理, 個個都預左食d 咩.  係真既...?? 其實, 你都想我改架! 我話去改, 你竟然好驚喜!  點解你個樣要咁驚喜姐!!

另一樣係, 我地都book 埋婚禮攝影同錄影.  $3380+$1680, 價錢合理, 而且仲有嘢送, 唔錯. 要多謝Tiffany 既介紹  原來好多人都搵純美新娘呢. hehe~

Burning money, 好多錢要駛啊! 黎緊婚紗攝影, 又唔知要燒幾多錢啦! HELP~~~ @@

LJ

好煩呀!

 

我好煩!! 結婚唔係應該好開心既咩, 點解得一d 都唔覺得係! 只係煩咩菜單, 就得呢個,  就唔到o個個. 想我點呀

 一個又話價錢差唔多, 一個又話要好少少.  兩邊都啱, 咁我可點呀!!! 我已經說服緊自己點揀, 但係點解你地都仲係唔明白我呢. 係唔係想逼到我走頭無路啊

咁煩, 不如唔好結啦.

又要搵呢樣, 又要搵o個樣! 有邊個可以幫我架!! 邊個理我ar!! 我冇想像過結婚應該係點, 心情會係點, 但係點都唔會係唔開心lor, 咁依家又係點呀~

 

LJ

我相信!

X'mas 收到好多鑽石啊!

X'mas Gift......          Meaningful ring......
我覺得我由出生到依家都係好好, 好開心, 好多人鍚.  人生漫漫長, 當中一定會有唔開心啊.  好既唔一定係理所當然.  但直到現在, 我生命中所遇既, 都係好事.  每當有問題, 煩惱時, 總會有人出黎幫助我.
由出生, bb, child, 朋友, 返學, 返工, 識男仔... 建立家庭, 回顧返, 我仍然係一位好幸福好開心既人. 畢竟係無悔，而我做事只有黑同白，甚少會有灰色位. 雖然有時我係'文' d.  但都無損我身邊既人對我既好同關心...I Love You All!
總括, 我既生命一路....以後都一定係開心 & 幸福的! 我相信!  你地知道點解嗎? 

LJ

求婚記

昨日你送左隻心形既求婚介指比我, 起初我冇收ar, 太隨便啦....

行行下街, 你同我講啦.... 係怕我反口嗎? 我諗我唔會呀, 只係想你對我說一d 話.

你叫我嫁比你, 你同我講你真係好有誠意架, 雖然已經唔係第一次講.  但係o係求婚時, 呢句說話係重要! 望住你既眼神我都唔知點答好呀~~ .... 我話.... 我嫁...我嫁.... hahaha
希望以後既日子, 我地會甜甜蜜蜜, 一生一世.....

Love~~Lingjo & Ho

我的姊妹朋友

今日掙扎左半日, 好唔好叫 June 做姊妹呢, 因為一d 事而冇再搵既, 依家搵返人會唔會唔好呢? 其他人都叫我唔好搵, 可能人地唔會登我開心. 但係我真係想搵wor, 我唔想隨便搵一個人做我姊妹ar, 因為姊妹係陪我出嫁既!  

我同佢係由 F.1識既, 大家都會一齊玩, 唔係同一班後, 就少左聯略, 當中雖然唔係經常聯絡, 出黎做嘢後, 可能一年都冇見一次, 但係每一次同bf 分開, 第二段感情既開始, 我都會打電話比佢.

今次我地既誤會, 爭辯, 甚至可以話係反面....依家..我都覺得已經係過去式.  今日我都仍然想搵佢做我既姊妹, 証明....我仍然想同佢做朋友啦!  因為佢係我其中一個姊妹ar ma!!

LJ