今個 X'mas 前意外地收到呢份禮物, 多謝晒 I love it ~~ 
影得唔清楚, 唔可以公開公司名, 所以只係影一半, 影唔到全個盒. 但都睇到啦.
LJ 
要相信, 要懂得 "幸福... 珍惜... 感恩..." 才是最真實. 我們好好在一起! 每秒都感到幸福! 所有事都變得快樂! 由拍拖...買樓... 結婚, 現在還有我們的諾諾呢~
2008年12月31日
2008年12月30日
2008年12月29日
終於決定啦~~
結婚其實唔係2個人既事, 係2家人既事, 一大堆人既事!
搵地方已經搵左2星期啦. 真係好煩, 頭痛左2 日, 到底想點呢??
我地鐘意既地方, 屋企人唔鐘意. 屋企人鐘意既地方, 我地唔鐘意. 玩咩! 已經夠煩架啦. 到底點先可以大家都滿意..... 
琴日發左成日脾氣, 真係'文'到我不得了. 其實自己都唔知'文'黎做咩....唉... 
最後, 可能因為我既不滿. 今日大家終於都有共息啦, 雖然唔係大家都係心想既場地, 但起碼大家都可以接受, 不過不失. 所以, 唔想再搵啦, 真係夠啦. 決定呢幾日去落訂! 太好啦.
你地知ma, 我覺得結婚...我都未緊張, 肥肥佢地已經緊張定. 
LJ
2008年12月25日
公仔人物
公仔, 得意既嘢, 對我黎講冇咩意思, 平時經過我都唔會行入去行. 由細到大我都唔會去買. 尤其係日本既公仔人物, 原因~ 冇興趣!
好似琴日, 約左Fung Fung 食飯, 佢會鐘意d 得意嘢, 行入去買公仔同精品, 見到一隻杯都話靚.不過我真係唔識欣賞, 我話: 靚?? 其實Fung Fung 都知我對呢d 嘢真係冇興趣.
好似見到d 人, 點解咁大個都會迷"Hello Kitty"
....其他等等...... 真係奇怪. 呢d 係童真? Cute? 未大透? 定係其他呢?
對我黎講, 完全真係迷唔上! 如果一定要揀....我會鐘意Disney既公仔人物多D.
LJ
大家都期待著
今日係平安夜前席, 心情不太好
, 因為琴日又講起收幾多既話題. 係唔係真係十萬...八萬唔少得? 我地已經好努力儲架啦. 2 個人結婚, 一定要其他人比錢? 唔係要靠自己既咩? 點解唔可以體量下, 我地既情況, 我地唔係大"富"人家, 咁可以點做? 又買樓, 又結婚, 又要準備新屋既嘢...等等. 等到出年下半年, 我地就可以收樓. 而唯一我地可以做既, 係慳得就慳, 見駛都唔可以駛. 只要捱呢一年, 我地就可以到達目標.
黎緊呢年09年, 係我地一齊儲錢既第二年, 一年間真係不知不覺好快就過去. 儲錢儲左足足一年啦! 貶下眼, 依家已經係十二月. 上個月買左一層大家都啱feel 既樓, 銀行批好後, 我地都同父母講左, 我地既婚事, 依家等緊媽咪擇日子. 豪問我有冇緊張, 我話冇ar, 仲有一段時間, 而佢原來有少少架, 真係估唔到ar....
.
相信大家屋企人都期待緊, 而且大家既屋企都係第一次攪囍事, 真係開心呀~~
LJ
第一次開口講 ....
琴晚上左豪屋企食飯, 打算講一d 嘢, 而且屋已經批埋. Auntie 都話我好耐冇上去食飯, 都係既....我都係諗住等銀行批左先上去食飯既, 起碼真係知道, 最重要o個Part 都攪好啦....真係放下心頭大石, 放鬆返.
食飯時, 只得我地3個人. 諗住佢會食飯時開口講, 又冇講, 食完飯, 又冇講, 到抵幾時講呢? 真係咁冇誠意? 定係咁難開口呀? 真係激氣. 就快睇埋電視都未講. 好啦, 唔講就唔好講, 呢d 就係你同我既誠意? 但係你話你真係有架....
我等到睇埋電視都未開口, 算啦, 我都係要返屋企. 唔等. 點知, 你係出門口時就同你媽咪講左. 我都唔知比咩反應好
LJ
冤家{12.05.08-10:05}
琴日到底咩事? 唔好再比我見到你既嘢啦! 係生係死, 我都唔會放係眼內, 點解係都要處處逼人見到你既嘢架!! 我從不抗拒, 但係點解係都要咁賤格~要洗眼 
呢件事一定要同陸生講! 呢個名已經唔係第一次, 亦都唔係第一個. back to the hell 
唉...你咁信因果, 真係前世囉 @@ 
呢件事一定要同陸生講! 呢個名已經唔係第一次, 亦都唔係第一個. back to the hell 唉...你咁信因果, 真係前世囉 @@
LJ
2008年12月2日
訂閱：
文章 (Atom)