連環照

Mama 生日時所拍的連環照片 ~~

嘻嘻~~@@ 登.登.登..登......同媽咪既“一”張合照 .  多謝陸叔叔.
陸叔叔係邊個? 咪就係uncle six lor. 

LJ

只要和你在一起

比左歌你後, 有日你同我講, 收音機成日聽到呢首歌, 我問係咩, 你話唔清楚歌詞係咩, 不過你笑笑口咁....你就比左個ear phone 我啦, 我聽聽下, 我就諗起我比你既新歌裏面有呢首歌, 睇返...原來歌名係 "只要和你在一起".  一路聽, 留意歌詞, 有種甜絲絲既感覺 .  不過聽聽下, 到底呢首歌係咩意思??

係咩?? 結婚真係會好多人用呢首歌咩??

 

每次奔波工作裡 也差點想氣餒 差些死去
有你攀山都有趣 吃苦都多麼趣 輕鬆面對
流過似水歲月 奮鬥十年買戒指
才永遠緊記你特殊位置 沒忘記彼此

能與你一起 更艱難更在乎你
能與你一起 哪管財富賺不起
能與你一起 我的殘缺亦完美
能一起 贏輸都勝利 能一起 才珍惜運氣

抗拒一天很富有 怕多一些引誘 一班損友
要你開心經已夠 愛幾多都不夠 相當內疚
迎接各種挫敗 有錯便和你告解
純樸會比較做巨人愉快 未為意好歹

能與你一起 更艱難更在乎你
能與你一起 哪管財富賺不起
能與你一起 我的殘缺亦完美
能一起 贏輸都勝利 能一起 才珍惜運氣

當有天身心灰飛 唯恐明日會離開你

能與你一起 半羹鹽也是甜美
能與你一起 最驚誰有日先死
能與你一起 哪管和你被遺棄
捱得起 旁觀者妒忌 捱得起 人生只為你

LJ

爭論一個問題

琴日我地爭論左一個問題.  真係激氣!
平日放工我地好少會一齊出去拍拖. 放工後,個心已經想返屋企, 而且放左工, 出街又冇地方好去, 又唔知食咩, 第2日又要返工, 都唔去得耐啦, 來來去去都係o個幾個地方.  不如安安定定返屋企會舒服好多. 更加唔駛亂駛錢~
琴日我就專登問佢, 你仲咩平日唔約我出去呀? 之前都講過架啦!!
佢就即刻問: 今晚出去睇戲食飯好嗎?{哼! 我心諗緊係唔好啦!!}

我話: 我依家問你, 你先約我! 我唔出!

之後佢就答左我一輪又抵死...又激氣既說話: 我諗住今日下晝約你, 想比驚喜你.  比驚喜你, 唔通要一年前講定咩?

Oh!!!God!!! 救命ar!!! 真係激氣到不得了, 之後佢仲話, 我都係笑住咁講. 仲叫我唔好嬲,嘻皮笑臉, 氹我.  我唔會理佢架, 佢既歪理, 實在真係令我想打爆佢!!
之後我就煩左佢一個下晝  hohoho....問你死未!! 到左放工, 佢打黎, 我唔理佢, 佢好似開鳥籠雀咁, 又再開始嘻皮笑臉. 哎....你係得既!!

其實2個人相處就係咁架啦!

LJ

買得好開心啊 ^^

呢幾個星期我買左好多嘢啊, 買親都係4位數字, 好彩有個財爺係度, 呵呵~~! 而且簽card 有積分.  都賺左架. 

好耐都冇買嘢, 依家一買就成千咁入貨, 佢話...: 你買嘢都幾狼....我話: 我唔狼架啦依家. 

因為要儲錢既關係, 好多時候都要制止自己駛錢, 要停買....擺買.....  有時都會冇mood 架, 好似好冇樂趣咁呀.  不過, 依家習慣左, 又唔係一回事, 唔算得d 咩, 因為有好多人冇錢, 一樣都可以過得好開心.  佢係一名慳仔, 要儲錢所以唔駛錢, 最近我地都齊齊換左一個新電話, 補返價, 其實唔貴.

人越大越懶, 唔多護膚既我, 發覺皮膚差左, 哎呀~未到30已經老啦....點算好!!  一向對Fancl 呢個牌子我都冇興趣, 而佢既落妝油係好久以前用過幾支, 之後都冇再用. 唔用Fancl 既我, 係上個月頭開始以試下既心態, 就買左啦, 用左2日Fancl 既 mask ....eeee....真係work 架wor, 連佢都話好! 跟住再keep 住test 下skin.  又入貨, Fancl 既product 真係唔平, 細細支, 又唔放得耐, 買親都要幾支咁買....不過我已經好制止架啦, 最後都係4位數字收手, 每一次我個財爺都會等我, 然後比錢, 有時玩耐左, 我都覺得唔好意思啊 .  有時佢仲會問我, 呢個星期要唔要去Fancl 呀? ummm..... 唔駛架啦, 過多一排先啦.  買左2次嘢, 仲送埋藍梅醬, 我屋企人好鐘意食, 太好啦! 肥肥仲話我:點解你用返轉頭架?? 其實我想買SKII 架..... 最後諗諗下都係唔好,  遲d 先啦.

多數我地行街都係Window shopping, 我對買嘢又唔係真係瘋狂到不得了, 只係一買就不可收拾, 不過放心, 我已經改左好多架啦. {一定要忍手!).... 但係....前兩日萬靈75折, 有d 更加折左再8折, 我就係一個師奶咁, 去左萬靈3次入貨. 佢就睇佢鐘意既嘢. 其實我主要都係買Skin Doctor 既Eye Tuck, 買左2支, 又見到佢既24hrs 保濕咁平, 又買埋. 又幫媽咪入貨, 買左幾支lotion, 等等....., 買嘢令人好開心, 買完後好滿足同輕鬆! 最後當然少不了我既財爺陸先生啦.  佢仲話: 用左積分, 呢D 積分都係你既....積分真係有好多wor.  今次又係4位數字. 買買埋埋, 可以唔駛買啦.

黎緊我想轉另一隻牌子lotion比佢用, 不過佢又話唔駛, 依家用緊呢隻 ok. 咁就買支handcream la, 手乾會唔舒服架.  對於一個男仔, 肯搽嘢好好架啦.   講開handcream 用開L 字頭, 感覺好'立', 幾經辛苦終於用晒, 肥肥就送左一set C字頭既比我, 幾好wor, 之前好似冇咁好用架.....?? 真奇怪.   仲有, 佢支磨沙唔錯架.

LJ+HO

結婚的那個....就是你一生最愛嗎?

將會跟你走入人生另一階段的那個人...會是你一生最愛嗎?
還是曾經有一個人令你一生都忘不了...但又沒法走在一起....
最後...可能因為某些原因,而決定了跟現任的那位長廂斯守???

 

copy from discuss.com

 

My Answer is: 好難答.  過去左, 就由得佢過去.  依家一心一意愛一個人就夠.

 

LJ

2個人..2個地方..

最近我地去左兩個地方, o個兩個地方, 我地都要o係東涌再搭車入去架, 就係愉景灣&大澳啦 @@

呢兩個地方都係我最近想去行下同睇下. 2個人一齊幾舒服, 幾開心, 都要睇下隔離係邊個既.  雖然裏面唔係有d 咩嘢既特別, 但係...身邊有個人一齊時, o個種感覺係好難用說話同筆墨形容出黎.  以前我唔會識得呢樣嘢, 相反我只係會享往物質上面既享受, 先可以滿足到我, 令到我開心, 可能被人寵壞左lu......。或者人慢慢長大, 經歷多左, 身邊既人唔同左, 都會令自己既想法有一定既改變.  就好似大家開始時, 依家佢亦有一d 改變, 呢d 就係互相影響.  慢慢調節去適應大家同相處.

我自問脾氣唔好{係女仔既通病嗎?} 前個星期六去愉景灣, 為左一d 好雞毛蒜皮既事而唔開心, 諗返起真係浪費左一日好好既假期, 真係唔好啦 不過, 有時唔發下脾氣, 又點知原來佢係咁緊張姐.... .  愉景灣原來唔係我想像中咁樣, 睇過地圖後, 先發覺仲有幾個地點未去....噢~唔緊要既, 下次可以再去過.  裏面既生活都幾寫意, 有D 屋仔既花園仲係對住個沙灘.  我諗夜晚一定係會好靚......望住個海都感到特別輕鬆.

好開心~ 接住上星期六又再一次踏入東涌, 去一個好耐都冇去過既大澳, 我諗都已經有9年啦.

真係好遠, 我地由東涌轉巴士去到大澳, 時間大約要45分鐘至1個鐘, 沿途風景好靚.  他就由上車, 講嘢講到落車....真係好d 長氣 hahaha!!  上山同落山既路又彎又窄, 仍然同以前一樣, 只係比起當年已經平坦左.  落車後, 嘩~~!! 變左好多, 以前既荒蕪依家都變得有一點唔同. 沿途我地都影左好多相, 行左好多地方, 大澳同馬灣有少少似, 佢地既鐵皮屋....諗諗下....又有d 似長洲 .  正當開始水漲, 陸生見到D 跳跳魚好有興趣, 好開心. 佢仲傻到追住D 魚黎睇, 跳下跳下咁, 連水漲都唔捨得返上黎, 真係比佢激死!

其實香港有好多地方我地可以去, 以前有車反而唔知去邊, 依家搭車我地都覺得好方便, 而且睇多左嘢, 去多左地方, 仲駛少左錢添呀.  有車就係想去邊就去邊{不過唔講你唔知, 有時都會有好多限制}... 有車接送, 買多左嘢都唔怕, 仲可以同埋屋企人一齊出去食飯. 其實有好既, 一定會有唔好,例如 一諗起parking.....塞車.....Police.....等等就煩  !

依家都好好啊~~ @@  因為我地有目標ar ma,  遲d 有機會時會再擁有一架屬於我地既family car  
最後一提既係, 東涌既shopping center 全部都係 Outlet, 得閒既話你地都去行下, 有冇嘢啱買, 見人見志啦..... ..... ....

LJ+HO