飲湯記

{琴晚超級大風, 人都郁, 企唔穩, 仲以為咁既月份打風 tim ar}

每次到你家食飯, 同你媽媽都會有好多說話, 你總會笑住話: 好熟咁喎

 

hohohoho.... 係你唔講嘢姐

 好似啞既一樣

 

好在, 我地都有嘢講. 平日都會同你妹妹傾下計, 都唔錯呀~
我依家鐘意飲湯! 我好鐘意. 好似琴晚咁, 你話Auntie 要趕住返屋企, 今晚冇湯飲, 我即時話, 吓!  唔係ma, 我都係諗住飲湯先去食飯, 如果唔係出去食啦! 又唔駛你媽媽專登煮飯.

因為uncle 有人請食飯既關係, 你妹妹冇返, 哥哥要去飲, 最後只有我地3個食飯.  最估唔到既係, 原來有湯飲啊, 太好啦

 . 花旗參紅棗煲雞+豬展, 雖然有一陣陣花旗參味, 但係飲落都幾好飲, 有益, 所以次次有湯飲, 我都會飲幾碗架~

LJ

衣著品味

話說唔知幾耐前既某日, 肥肥話: 你地著衫越黎越似. 於是我照鏡.... 諗諗下好似係喎~ 同以往比較, 越黎越隨便, 冇咩所謂. T-shirt, 牛仔褲, 波鞋. 

一向我都少牛仔褲, 唔著波鞋, 更加唔會買, 唔會睇, T-shirt 又更加唔會著.  點解? 咩原因? 我依家會變晒架   咁樣會冇左自我嗎?  發覺 T-shirt, 牛仔褲同波鞋, 原來係好方便, 好簡單, 好輕鬆, 好舒服.  今日, 我已經接受到呢個衣著打扮 lu  應該係一件好事黎既.  可能同一個人一起, 各方面都會隨住大家而改變.

儲緊錢既我, 又點可以亂駛錢買嘢呢, 一分一毫都係錢.  我諗呢個moment, 簡單為上, 完成個大project後, 又會係另一番新境象.  依家, 我可以話, 已經改左我過往大花銅, 唔見駛既性格! 都係一件好事啊~

LJ

要繼續寫下去

最近已經提唔起勁寫blog. 冇咩事想分享同記低. 希望我會堅持吧, 記下值得回味既人....既事....仲有一d funny 既嘢, 等將來可以睇返, 回味一下.  唔知呢個blog 會唔會Keep 到我老o個陣呢??

要好好再整理一下, 唔好咁頹廢!  加油~ 努力~

LJ

不再朋友

咩叫做朋友? 朋友分好多種.  我自以為妳係我朋友, 今日我知道唔係啦.  因為真正既朋友, 就算有argue, 反面, 只要有一方, 行前一步, 問題就可以解決, 難道要永遠記住, 妳要懷恨在心, 才會覺得開心同舒服?? 真係莫名奇妙

既然我已做左我要做既, 妳要扮冇事, 但事實冇回覆, 知道我打電話比妳, 妳回避, 唔接, 難道我真係唔知咩? 我有感覺架, 唔係白痴. 亦或係我行前一步, 先係我白痴ar! 夠啦! 當初妳話唔做朋友咪唔好做lor ~  Juan 你仲係一個細路嗎?  你話我講既說話hurt 到你, 唔通, 妳所謂不要做朋友就不要做, 可以隨便講嗎? 唔通妳呢句說話, 未夠嗎?  這亦都係妳所謂話我講說話 hurt 妳之前, 妳所對我講.  所以請妳唔好將事情倒轉黎講.

算吧, 我唔會再著緊係定唔係.  我唔會再認識妳, 就當我地冇識過, 冇做過朋友.  不過妳依家既男友, 都係我地介紹比妳. 當初妳已經唔多當我地係朋友咁lu ~ 開始來往時,我地完全唔知情.  其實佢又話妳好主動, 但妳又話佢主動..... 唉.... 我會信佢講多D

好吧, 既然係咁, 我地既友情到此為止. 亦無謂勉強.....

LJ

第一次試妝相

琴日搵左CiCi 試妝, 心情有d 緊張.  不過美中不足既係, 眼有d 腫, 影到眼袋好大ar...... 影響左個妝唔靚, 到底要點個眼袋先可以消失呀

 

 

這只係一部既試妝相. 救救眼袋~~  希望結婚o個日可以收服到佢啦.

LJ

錦田鄉村俱樂部之遊記

呢個係一個士多啤梨園啊, 當一步入士多啤梨園既範圍, 一陣陣士多啤梨又香又甜既氣味, 已經覺得好開心, 想即刻食左佢

大約 一月至三月係佢地生長最適合既時間

See, 幾可愛!! 而且好新鮮, 係咪好吸引呢 ~

等等晚上的 BBQ 時 ~~ ........ 狗狗訓練中 ~ 勁 ! YEAH .

LJ