懶了~ 已經開始提唔好勁寫 Blog 了.....
話說上星期 22 號係中秋節, 本應是開開心心的, 但好多事情都不由我地去控制!
要講返起兩星期前, 老公既妹妹問, 老爺今年生日好唔好一齊正日22號食dinner 還是分開兩餐食? 既然 22號係正日, 當然22號一齊食啦! 之後又說, 當天食飯會有十幾人分兩圍, 就由他們三兄妹負責比錢. Why?! 點解要由三兄妹比晒錢?? 好奇怪.... 而答案就係, 當日係老爺生日, 分開兩次食都係比咁多錢, 咁就當做細既請長輩食一餐. 舅母既錢就比婆婆!! 不過, 當日唔係做節咩! 又係老爺生日! 做節食飯, 唔係要長輩話事既咩, 點解要由你出聲, 我完全唔覺得你拎出黎傾!
一路我都覺得唔 Fair!! 老公既妹妹就覺得如果唔 Fair 就叫我地比少少 算, 其他就由佢同佢大哥負責! Why!! 之後可以當冇事嗎? 人心難測, 到頭來唔知有冇說話聽姐! 成日都話少少錢, 唔係咩大事, 咁你又唔比晒, 駛唔駛我地 share ar! 而且我同老公都覺得, 做節同生日一齊攪, 不如食好d la~ 反正都係要一齊 share 比錢. 有咩唔好!
於是我就同奶奶講改地方, 食好d! 奶奶 ok ar! 但老公個妹唔得呢! 條氣真係好唔順! 奶奶就叫老公同佢個妹妹傾, 老公從來都冇咩脾氣, 但佢竟然, 大聲話, "o個度唔好食, 做節生日一齊攪, 點解唔食好d ar!!! 依家有份比錢, 係唔係冇權出聲!! 我地唔食啦!!" 哈哈!! 
之後, 未來大嫂緊係唔想我地唔去啦! 講真, 我都唔係好想去, 但係生日同做節日一齊, 唔去又唔係幾好....
之後, 未來大嫂緊係唔想我地唔去啦! 講真, 我都唔係好想去, 但係生日同做節日一齊, 唔去又唔係幾好....
呢件事, 我就同我屋企人講返! 都覺得唔去唔係幾好. 而且點解呢d 事唔係由大人話呢~
於是再同 Miu 傾, 叫我直接打比佢個妹講, 記住下次要問清楚 兩個阿哥, 先好落決定! 今次就算啦.....
雖然今次係有去食飯, 但全程我都冇咩理佢地, 冇打招呼, 連望都唔望, 背住佢地坐! 我叫老公埋單!! 食完就拿拿臨走人! 坐多陣都唔想! 
傾計時 Miu覺得, 以前未結婚都可以同老公個妹妹 MSN 大家傾下, 但係結左婚身份就唔同, 已經係二嫂, 唔好傾咁多. 級數唔同左以前架 la~ 其實真係要咁嗎? 我都係想大家 close d 姐, 或者Miu 講得啱, 唔好講太多嘢, 傾太多嘢la~ 已經唔同以前. 不過, 老公都叫我唔好同佢妹妹傾咁多架! 所以, 自從中秋餐飯後, 我地都冇再傾啦, 呢個世界就係咁現實!!
以下是 Copy from 老公妹妹的: 不過當晚佢男朋友 Alan 冇出過聲 lor. 老公話,呢 d 係人地既家事, 都唔輪到佢出聲啦~
Alan Kwok 睇見你對住D咁既人都咁忍讓,就火都黎!!
叫佢今晚記得埋單時出聲話計人頭夾錢呀,唔係一陣佢又話唔公平呀
佢唔記得我實出聲提佢呀!
Shan Kwok 最討厭d對親人都斤斤計較的cheap人..September 23 at 12:32am · LikeUnlike
- Write a comment...
LJ 
沒有留言:
張貼留言