好大壓力啊!!

距離考車既日子仲有 7 日, 近幾個星期我都好緊張, 而且有壓力, 好明顯~ 因為我出左壓力瘡, 主要係左邊面!!  日日都係個腦裏面想像揸緊車, 每一個步驟同路線, 遇到d 咩情況時我要點做.  如果到左考試o個日, 緊張起上黎, 咩都唔記得晒, 亂晒, 咁就大獲啦!

好驚唔合格要考過, 又要再補鐘, 我唔想再學啦..... 壓力大! 可能呢d 都係自己比自己既壓力! 加上師傅好似教左你既嘢就一定要識, 有時覺得可以輕鬆 d 嗎?

自己已經係學自動波, 會比棍波車容易. 係我未學車前, 我都會諗, 揸車轉彎係唔係好難, 係十字路口轉彎冇線跟, 又點睇位呀? 拍車更加唔駛講啦, 仲難!! 好怕揸揸下車, 有人衝出馬路, 咁點收科!

依家已經學左27堂 (45mins), 之前所諗既問題, 依家已經唔係問題了~

算啦.... 依家都係平常心, 學多兩堂, 就去考啦!! 唔理咁多, 到時先再算!

LJ