骰骰係我第一隻養既小狗 ~ 依家三歲啦
係2006年8月2日出世 ~ 名叫骰骰. 英文叫Six Six
未買佢之前, 我已經改定我將來既狗仔叫骰骰, 骰~ 好的骰, 好似一粒骰咁~ 好得意.
第一眼見到佢真係非常可愛, 而且主動走過黎同我地講嘢... 玩 ~ 我地隔幾日就會去睇佢一次. 圓碌碌, 行起路時, 好似個波一樣, 好吸引
於是, 陸生就送左比我啦
所以骰骰個名可以叫陸骰骰 = Luk Six Six = Six Six Six
(咁啱得咁橋)唔知係唔係狗店買既關係, 回家兩天後開始病, 有傷風既病徵, 仲有咳!
慘啦~ 我地都係第一次養狗jar!!! 之後o個幾日, 越黎越嚴重. 醫生話.... 佢有狗瘟!! 有肺炎, 慘啦 ~ 但好彩既係, 佢冇上腦, 冇腦抽筋, 如果唔係.... 就冇得醫la.......
我地日日照顧佢, 早晚餵佢食藥, 食高營養既濕糧 ~ AD, 每次用針筒餵d 餵d, 希望食多有, 有體力去打仗, 快d 好返. 但係我地同佢睇左好多次醫生啦, 但好似都係一樣. 每晚瞓覺聽到佢既咳聲, 條氣好唔順, 好似哮喘一樣, 好大聲, 真係好驚!! 每晚都瞓唔好!! 半夜會起身睇下佢點, 真係好擔心!! 好辛苦~
醫生話要將d 藥直接打入去佢既靜脈度, 吊鹽水, 如果再冇用既話.... 就..... 我地當然要博一博啦,
連續幾日都帶佢去醫生度, 折磨左我地幾日, 好彩.... 好返好多la~ 不過, 佢個肺始終都係傷過, 可能會差 d.依家佢仲惡過我地~ 仲會蝦人! 不過, 骰骰都好細膽架, 係屋企見到佢未見過既新嘢, 佢一定會吠, 而且仲會行得好開, 平時打風或者有風, 佢都會好驚, 驚到周圍走, 周圍吠, 最經典既係,佢會般入馬桶後面, 真係笑死人!!
依家已經三歲. 冇搬過黎同我一齊住, 因為佢已經習慣左係 Mami 度佢生活, Dad 又寵佢, 比人寵壞啦~
發起脾氣上黎, 真係.... 怕左佢.....依家已經變左個肥仔, 比一般既北京狗 Size 還要大 ~ 話佢有個狗瘟都冇信! hahahahaa~ 有狗瘟牙, 係唔可以否認.
佢撩人玩玩具~~
LJ 
沒有留言:
張貼留言