一堆說話

唔知點解最近冇咩心情. 咩都諗唔到. 唔想寫. 最多, 只係睇下其他 Blog 友既 Blog 關於結婚同化妝既事.

我有好多不滿, 好多不是既說話, 點解呢樣....點解o個樣, 點解講完又講, 點解重覆又重覆, 點解...不停既問點解, 心情完全係低落, 時好時壞....但其實又好似冇事.  有時真係覺得好辛苦, 有時又要同自己講: 要開心, 同自己講: 算啦, 同自己講: 係自己揀既, 唔好怨, 亦都唔可以!

可能係重覆又重覆, 一有少少既不滿, 不如意, 我就會起火.  我唔係咁架. 點解係同你之後, 我會變成咁? 點解呢樣, 點解o個樣. 心想, 其實都係好少既事. 雖然係, 咁又點呢?? 係我要求高? 係我執著? 係我個人既問題?  咩都唔係, 計我話 ~ 冰封三尺, 非一日之寒.

有時, 嬲完, 發完脾氣, 第2朝起身, 整個人都會覺得好傷, o個種感覺係用左好多氣力, 個心仍然頂住, 比人激得好厲害... 身心都疲累, 聲亦沙. 我真係唔知為咩. 為咩要選擇佢? 為咩要令自己咁緊? 為咩!!! 我已經冇氣啦..............................

仲可以選擇過嗎?

點解我對你話有咁多不滿, 對你講好難聽既說話, 你要忍? 唔出聲?  其實真係我問題嗎? 每一次過左都冇事, 但係我既心情唔可以一下子平伏, 仍然會有一點既不舒服.  你每事都忍氣吞聲, 我點解會咁對你呢? 我每事都講, 你不是會好了解我想要咩? 

相處真係好難, 人同人都要學識相處既學問.  或者係我想得太多, 擔心得太多. 一切都放係心裏面, 係眼底裏, 太執著? 冇人係100% 完美, 100% 夾. 我真係好驚, 好驚將來會係點, 好驚有人對我唔好, 好驚原來咩都假, 好驚好多嘢. 知道你不善於表達, 不是浪漫既人. 不過, 我知道你咩都比晒我. 如果我走佬, 你就咩都冇晒架啦!

LJ