牠再次令我改變

真係好耐都冇同佢傾計啦 ~~ 呢兩晚我開始佢傾計.  第一晚傾完後, 我心舒服左; 第二晚我又主動同佢傾, 而同時我搵左中信睇, 心情更加舒服, 個心靜左好多.  唔知係因為心理作用ar....定係我地真係交流緊呢

回顧返呢幾年, 我開始慢慢變了, 想法更偏激. 經歷既事同人, 令我透唔到氣, 好似要不停抵抗一樣, 保護自己..... 當有人想破壞我, 甚至對我不是, 我有一點不自然時, 我已經有抵抗既心理準備, 一定唔可以輸! 而且我會十倍奉還!! 我做到, 但係我都有點累.  不停既不停, 停低後, 又不停抵抗, 一切不合我意, 睇唔順眼我都一一唔鐘意!你知嗎, 我真係好辛苦. 喊完, 又喊, 笑完又喊, 情緒起伏, 亦令我自己覺得可怕. 但係我唔可以停低我呢個想法同心情, 因為我唔可以比人睇低, 我一定係最好! 由其事係我身邊o個個. 我縛得自己好緊. 幾年啦...真係幾年啦, 由咩原因, 咩事情引起我既變化, 我好清楚.  其他既人, 令我冇左自己既想法, 可能自己既決定係A, 但因為一d 人而令自己唔知行左咩方向, 選左唔係自己所想既, 真係難為左自己, 最終唔合自己心意, 又令自己唔開心.  唔開心既心情, 影響左自己同身邊既人. 人都醜d!

我唔要咁啦, 唔可以再咁落去, 只會永遠都係唔會開心.  我清楚自己係一個執著既人, 答案只有2個, 好少有中間位. 我好想返返去以前既我.  我有想過, 如果有一粒藥可以delete 左我某部份記憶就好啦. 又或者係用擦膠, 擦走某d 人, 某d 事, 你話幾好呢. 另一方面諗, 我要我既人生係精彩, 唔要平坦冇起伏, 因為呢d 先係人生, 人生有高有低, 甜酸苦辣, 都要嘗過, 先會無侮.

我選擇同你一齊行, 我知道我想點, 我要咩.  我依家唔需要榮華富貴, 我試過....那又如何? 我想要穩定, 大家一齊行出黎既路同生活先有意義. 我要相信自己做得到, 我會係我, 我唔會再比其他人, 其他事, 影響自己, 因為我係Lingjo  Lingjo 既本質唔係咁架. Hei... my friend 你地認同嗎?

我會欣賞我曾經唔喜歡, 憎恨, 對我不是既人. 我記得我係咁架! 有些人知道我, 有些人唔明我, 希望以後你會更加明白

牠~ 再次令我改變!  我感覺到!

LJ