掛住你呀!

返左工都有3星期啦. 阿仔已經有2個幾月仲有幾日就3個月啦! 時間真係轉眼就過.  返工真係唔捨得BB比婆婆揍, 平日都留係婆婆屋企, 星期五放假o個幾日先接返佢.  怕你會唔認得我呢個阿媽. 每日放工都會急急走, 返去睇阿仔. 食完晚飯又急急咁返屋企. 我都想帶埋你返屋企, 夜晚餵你飲奶, 同你換片, 抱你瞓覺...好想快d 到星期五!


阿仔~~~ 真係好掛住呀. 我成日都想自己揍返, 邊有可能呀.唔返工邊有錢比阿仔讀書.  仲要為佢舖條好行既路. 阿仔,  忍耐! 相信不久既將來, 一定可以, 努力中!!!  比d 時間我..
所以, 無論去邊我都會帶住你, 鍚晒你!!

LJ