到決定, 要去私家同阿仔打針, 返政府打13價肺炎. 都係希望阿B 健健康康, 開心快樂咁成長. 我地又緊張阿B 個名到底揀邊個好? 昱諾? 定係叫 俊諾? 最後我地決定阿B 叫俊諾. 係因為唔想有人唔識讀阿B 個名. 而且俊諾都幾好ar~~ 而且又順口, 俊諾, 俊諾.... 叫諾諾, 有時會叫左 lu lu, 有時會叫左做 look look, 豬仔..... 英文仲未諗到, 冇加到落去出世紙, 都想諾諾大個d 自己決定. 暫時我諗左一個, 聽落感覺幾好 ~ Jayden! 老公問, 直譯架? 唔係呀, 冇直譯. 自己諗諗下, "俊諾" "Jayden" 又真係有少少似.
阿仔 ~ 你要乖呀, 希望我可以為你舖一條好d 既路, 等你行得舒服d!
阿仔返左屋企幾日都係婆婆幫佢沖涼, 麻麻都有沖過架. 為左諾諾, 我呢個做mami 既, 都要幫阿仔沖涼, 唔可以搵人代勞, 因為你係我個仔. 傷口就住坐啦~ 生完BB 坐月, 好彩有婆婆幫手, 照顧我地. 生完個人好攰, 要時時都休息. 但係對住阿仔, 又點會捨得呢, 而且仲好似唔係好放心唔係自己睇住. 每日見住佢大, 日日都有新鮮事. 換片更加唔駛講, 換一次, 可以用3張尿片, 幾十張思詩棉, 對我呢個初初做mami 黎講, 真係有少少狼狽.... 哈哈哈, 有幾次仲痾到我濕晒, 連阿仔痾屎都痾埋佢自己件衫度, 我諗都冇諗擲件衫!
BB 冇鼻毛, 間唔中都會有乞痴. 到左個令月, 開始見到有幾條毛毛係鼻入面, 生緊出黎. 第一次剪指甲都幾緊張架, d 指甲好似張紙咁薄, 仲好似再薄d, 好怕會唔小心剪親佢, 一定心痛到不得了, 所以一定要好小心, 仲要等佢瞓左先好剪. 又抓面, 又開始食手, 戴手套都食到啜啜聲, 食到手套都濕晒, 唔戴手套更加啦, 見佢食到好好味. 汗加口水, 手仔有陣 "叔叔" 地味, 吾.... 阿B 你隻手仔好嗅呀
LJ
沒有留言:
張貼留言