是時候減肥啦!

因為我保險轉另一個新 Plan, 昨日又要去做心電圖.  攪黎攪去, 攪左3次!! 真係麻煩!!!

未到時, 自己磅重, 睇下重左幾多啦 ~ 點知 哈哈!!! 又重左. 最近既褲著左上去, 真係好緊. 窄左好多, 有時仲會驚佢會唔會爆@@ 依家都唔敢著返上年 d 衫啦.... 好彩今年都仲係鬆身衫為主... 如果唔係.... 真係會嚇親自己, 唔敢出門口

回想起讀書時, 有一年突然肥左好多, 決心減肥, 可以由一百一十幾磅, 折食, 游水... 減到一百零二磅.  我都覺得太瘦啦, 好骨感, 肥肥同媽咪都話我個鎖骨好深, 肥肥仲話可以裝皂....  所以未到我一百磅既目標, 已經好夠啦. 仲想肥返少少.

之後, 一直都係keep 住一百零五磅至一百零八磅. 冇咩上落.

到上年未計劃結婚前又長返少少肉由 一百零八磅至一百一十磅.... 一百一十三磅.

原來結婚既辛苦真係會令人瘦,  係結婚前幾個月更加冇咩胃口... 不知不覺間瘦返好多. 太好啦

好多人都話, 結婚後一定會肥, 不過點解陸生唔係既呢??   我真係肥左好多呀!! 好似我話就快 d 褲都唔啱著啦....  真係不得了,  依家已經係一百一十五磅 但係點解 d 人都係話我瘦既呢~~ 其實唔係架.... 由上個月開始, 我唔再轉巴士返公司, 放工唔再轉巴士撘西鐵, 開始 "行"! 而且仲可以慳返  d 搭車錢.

所以, 下個月開始會做返運動.  似終人會老紀大, 運動真係少不了.

希望可以O係去 Singapore 前減到5 磅或更多啦!  

LJ

我要考車啦!!

昨日幫Ar Kor 續牌時, 自己亦報考 ~ 車

呢件事, 我已經o係好幾年前開始講, 我要學車!! 我要學棍波車!! 不過唔係 van 仔, 而係私家車. 直到幾年後既琴日, 我先開始行動~

雖然當時係咁諗, 不過我亦掙持左好耐, 到底學自動波定係棍波呢, 諗黎諗去都未諗清.

有朋友話： 學自動波啦! 女仔學自動波夠架啦. 又唔係搵食.

Ar Kor 話： 有大志 d, 第時請司機.

大部份人都話： 學自動波啦.

就連陸生之前叫我學 Van 仔棍波, 依家都轉軚叫我學私家車自動波... 哈哈

其實我一心係想搵出面既師傅學車, 因為"品質"比駕駛學校好! 陸生話去問下HK 駕駛學院. Oh~ No!! 太貴啦, 完全唔係我想既.  好在有幾位同事介紹佢地既師傅比我, 而且收費仲平左 tim!

睇見我張學神証嗎? 左上邊綠色.

要開始讀書 lu "道路使用者守則" 筆試日期係7月7號. 好驚唔 Pass 囉！奸 ba dad.

LJ

Creamy 乖

Creamy 要瞓囉~~ 要乖呀

好可愛呀~

"Sit!" 乖~  Creamy 乖, 錫死你

LJ

摌毛前 ... 摌毛後 ...

過去既星期六 22nd May 2010, 終於都帶 Creamy 去摌 BB 毛.

早上未去摌毛前, 留影~~

Dog.com 既姐姐都話 Creamy 乖, 花左, 大約一個多小時, Creamy 已經冇晒毛啦.  隔住個窗望到佢, 真係好好笑. Creamy 好瘦呀. 冇晒毛細粒左好多.  摌左d BB 毛, 將來會仲靚女啊
摌毛後

前腳

LJ

冇腳既雀仔~

結婚後既生活, 時間總係覺得唔夠用~ 忙黎忙去都唔知忙咩~ 煮飯... 洗碗... 洗衫.... 吸塵.... 拖地... 等等....@@ 未結婚前, 屋企既家務都係由mami 同 dad 一手包辦. 更何況陸生更加唔駛講啦.

兩個人既相處, 或多或少都有好多唔同既地方, 總算係出自唔同既家庭, 唔同既生活環境同方式, 難免有好多唔同既地方.  而好慶幸佢係我一生中第一個而又係最後一個同住既男人  結左婚都有6個月了, 真係過得好快, 由開始唔習慣, 到依家. 大家都有了生活上既共息. 一齊建立家庭, 分擔屋企既大小事務. 最抵錫既係, Creamy 既大小二便, 陸生都唔駛我粗心

下個月中, 我地又去旅行啦 ~ 今次既地點係Singapore!! 好期待呢~~

我同陸生講, 去埋今次旅行要儲下錢啦.  陸生話: 隻雀仔都終於有腳啦!
雀仔有腳??  我明啦!!! 笑死我啦!!!!
結婚-> Honey Moon -> 杭州 --> Singapore --> 上海世博, 我諗世博應該唔去啦~  半年時間去左幾個地方, 又買左 Creamy .... 真係要駛好多錢呀~ 可能陸生收埋係個心度諗, 隻雀仔幾時先肯停落黎呢?
計計下, 都要為將來打算下啦~
不過, 開心埋今次 Singapore 之旅, 再決定啦! 因為我要報名學車啦!!

加油!!

LJ

會笑的 Creamy

Creamy 在笑啊

一隻小東西~

好可愛耶~~