燕窩記

剛過去既星期日, 我地仲未起身, 豪媽即係我奶奶打電話比陸生, 話燉左燕窩攞黎比我地,

當我洗頭時, 門鐘響! 大獲, 我仲未梳洗, 咁快就到! 陸生仲係床上面wor!! 亂漕漕既頭走去開門, 好攪笑!!!

好多燕窩啊!! 滿滿既燕窩, 我地每人食左差唔多碗半, 真係好大碗, 整個碗裏面都係, 真係唔好講笑~ 超正!! 咁多燕窩都只係我地兩個食.  奶奶都冇食, 佢話早上時, 已經食左. 燕窩既份量好多, 有兩個盞! 哈!!! 我感覺到做人新抱既喜悅感呀

不到兩日, 剛剛好兩日, 我地同未來大嫂返去奶奶度食飯.  奶奶已經一早預備好一碟餸, 新鮮菜心同埋燕窩比我地攞返屋企! 哈~~ 又有燕窩食, 真係好好食. 真係好呀~~ 食飽飯, 仲好似趕鴨仔咁, 叫我地返屋企, 唔好咁夜. 哈~~~ 真係好攪笑

沖完涼又食燕窩啦~ 太好啦, 因為真係好正, 自從星期日既愛心燕窩後, 隔兩日又有! 你對我地真係好! 今次既燕窩份量雖然冇上次咁多, 不過上次真係太多了~ 但都唔輸蝕, 因為咁既燕窩份量, 足夠可以食多一星期咁多!

好幸福呢~