28 weeks 6 days

今天已經28weeks 6 days 了.
兩個星期前  27weeks 3 days, 去了廣華, 住了幾天, 還要打針, 食藥, 吊營養液...  因為醫生怕有作早產既可能. 打既係for BB 既強肺針, 食既係降血壓... 而且防止子宮繼續收縮, 可以鬆弛作用. 醫生說針藥對BB  好, 係安胎, 不過對媽媽唔好所以要食藥. 係醫院其間, 我已經在產房了... 時時都為我量血壓, 聽BB  心跳, 而且用儀器幫助測量子宮收縮既情況. 醫生說阿B 大, 胎水多, 可能刺激子宮收縮, 有可能係血糖既影響.

其實入院前一晚已經有不尋常既情況, 發覺肚子時實時鬆, 好有規律, 但沒有痛, 而且維持了25-30分鐘, 自己都有點怕.... 當時和老公都在西鐵上, 沒有位坐, 自己都有點怕. 一直回到家才完. 平時都會有實既情況, 但只係幾秒, 會回復正常. 到第2日早上, 係公司既坐位上有同一樣既情況, 於是打電話到私家醫生問一下, 回復都只叫我不要周圍行, 不要拎重嘢. 過了半個鐘又回復正常了.  不過lunch 之後, 情況嚴重了, 整個肚子拉緊, 拉實, 扯緊, 忍不住要提早走, 行路也要就住就住, 很不妥!! 於是打電話給媽咪, 奶奶, 老公.... 最後決定去醫院, 去到醫院登記還沒有檢查, 便叫我入院了.... 好可怕. 沒想到這麼嚴重!

不過拮在我身, 都好過拮係BB 身.

我以為我可以避過飲糖水, 唉.....  出院時叫我2星期後旱上8點( 點解要咁早姐!!! 早過返工!!!!) 到醫院抽血->飲糖->2 hour->抽血 我唔想去呀!!!! 又要抽血, 仲要抽2次, 仲要飲好難飲既糖水!!  阿B 用盡醫院既檢查服務, 你真係得架啦!

阿B 仲係好細, 依家要乖乖住係mami 度, 你要乖乖地足月出世呀!!

LJ

燕窩早餐

最近好想食燕窩, 媽咪就燉左比我, 叫我每朝食 2匙. 而老公每朝會幫我 "筆" 定出黎, 好好味呀!!!

感到好幸福啊....., 要珍惜.

LJ

26 weeks 2 days

上星期六 25weeks  4 days 去左吳醫生度產檢, 仲幫我照埋 4D hahaaa. 個咀啜啜地既...??? 乜咁醜既.... 我同老公話似腥腥, 好衰呀咁話佢 醫生話水唔夠, 未睇得咁清楚. 我諗到下一個月去檢查時, 應該會清楚好多. 小B 依家個 size 比起小大左一星期, 有901G, 有2磅了. 吳醫生話唔好食咁多甜嘢wor. 我估係怕 BB size 大難生, 同埋要小心唔好有糖尿. 不過... 我今日先飲左半罐可樂 , 最多唔食朱古力啦.......

小B!!  加油呀! 點辛苦都會生你出黎架!

LJ

小B 24 週大

已經過了一半懷孕期, 回想起開頭, 真的不易, 太辛苦了.

今天已經 24週, 小B 6個月了, 肚子不算是很大, 但已經明顯見到了!  身體也發脹了, 特別係.... 個胸, 升了好幾個 Cup, 真係救命. 腰位, 下身, Pat Pat 都肥晒, 希望生完後可以盡快收身, 否則真係唔見得人!

聽說餵人奶可以幫助收身, 是真的嗎? 有些媽媽說可以, 有些媽媽說不可以... 到底可以還是不可以呢? 懷孕後, 人懶了, 少郁動, 飯都沒有煮, 只係煮煮麵, 簡單既餃子, 菜, 雞翼, 其餘時間都係回家食, 叫外賣, 或出街食.  湯水亦沒有特別多飲. 反正只要有營養就夠了.

連 Blog 也沒有動力去寫....

LJ

照結構

話說廣華安排了我在20週時照結構, 其實都有點擔心的, 因為度頸皮時, 姑娘說頸皮有點厚.
照結構當天, 醫生很年輕, 似是剛畢業的那一種, 照照手腳, 沒有數手指... , 沒有數腳指...., 太差了....照照內臟....., 咀唇 & 鼻孔, 最仔細都係照心臟了. 醫生說一切正常. 哈, 又放下心頭大石了!

沒有數手指..., 沒有數腳指...., 不是要數的嗎? 心有不甘....打算在私家檢查時再問醫生. 當醫生照小B 時都一樣沒有數手指..., 沒有數腳指...., 唉....有點失望, 小B 仲握住權頭, 醫生話... 多左隻手指都唔知架  激死人啦!!!!

所以, 每一次私家檢查時我都要問下手指, 腳指, 睇到幾多隻! 結構好快又照完, 一切正常. 仲好清楚見到小B 既 "古古仔同袋袋"

LJ

廣華 OSCAR

因為廣華安排了日子做 Oscar Test, 所以不用花錢在私家做了. 大約 12weeks 時在廣華做了 Oscar Test 包括度頸皮 + 檢血.  姑娘說頸皮有點厚! 唉... 真的令人膽心, 希望2星期內不要打電話給我, 那即是說"冇問題".

膽心的事情發生了, 7 天後收到電話, 說我是高危 82:1 (82個人當中有一個人有"唐氏").  姑娘問想抽絨毛還是胎水? 我選擇了絨毛快速測試, 而且安排幾天後可以做了. 而胎水要再過多一個月後才可以抽. 太遲了!! 不過流產風險會比抽絨毛較低. 還是早點安排, 早點知結果吧! 如果過一個月後抽胎水, 相信這個月每天都會不安心, 每天都不好過.  假如不幸有事的話, 我們也會放棄... 真係好對唔住

抽絨毛, 好痛! 但這一針一定要捱過去, 只是幾分鐘時間, 會很快!! 老公亦一起陪著我在身邊... 抽完後針位有點扯住扯住.... 要小心行路.

很快第二天有結果了, 好驚.... 一個人在家和Creamy 一起... 看電視時, 膽心得哭了起來...Baby 已經有心跳, 會在肚裏動了, 怎可能要帶走他呢!!  每天我都在祈禱, 求天父祝福! 下午4時左右, 收到廣華電話, 說一切正常, 太好了, 好感動, 想哭了！多謝姑娘, 天父為我報喜, 感謝!! 還知道了 Baby 是男仔啊! 開心得不得了, 開心不是因為是男仔, 性別對我們來說不重要, 只要健健康康已經足夠了. 我立即打電話給老公, mami, 不要再擔心了, 因為 Baby 正常啊!

其實 Oscar Test 不是100% 準確, 只是一個數字統計. 曾經有出錯, 低風險的結果, BB 其實是唐氏, 這個Oscar test 是不是太可惡了!! 令人大嚇一驚~

因為Oscar Test -> 抽絨毛, 醫院安排了10月做結構, 也慳了錢! 醫院度頸皮是3.3mm, 私家是2mm.  差別很大!! 聽說頸皮厚, 有機會是唐氏BB (現在肯定不是了) 或可能心臟有問題.  我知道上天已為我安排好了. 隨心吧, Baby 一定會冇事！

Baby 你要乖乖地, 健康長大呀!

LJ

"愛" 比海更深更深....還要深....

已有一段日子沒有 updated blog 了~ 8 weeks 開始, 辛苦既日子來了, 每天都嘔, 精神每況月下, 一天比天嚴重, 特別是到了10 weeks 起, 工作經常早走, 請假, 返工都不能了, 每天都在暈船浪似的, 24小時作嘔, 嚴重反胃, 嘔!! 食又嘔, 唔食又嘔.....    每日都灘在Sofa, 不是坐, 就是瞓, 生活很難過....!! (好多謝boss 既體量) 整個人都支持不住了.  好怕我是其中一個嘔到生的人. 嘔吐令我食道傷了, 試過幾次連血也一起吐出來, 好可怕, 喉嚨...食道都好痛! 怕長似落去, 連進食也問題, 我同 Baby 都吸收唔到營養. 嘔吐更令我水也喝不下, 亦有輕微脫水既情況.  醫生說如嚴重的話, 要入院吊鹽水. 體重也輕了.  做媽媽真的很偉大, 懷住一個生命在肚面, 是多麼幸福, 對社會的一個貢獻! 真的無人能及世界上最偉大的母愛.

孕吐令我有更深一層的感受和體會, 非筆墨可以易容. 用 "愛" 這個字來說吧. 比愛更深更深還要深.........................

今天已經是 16weeks 4days 了, 嘔吐少了, 精神也好了, 肚了一天比天大, 不過著了衫亦不是很明顯, 看似是一個小肚腩,

LJ

又黎....

3 Aug 2011

昨日放工前又黎..... 都好既, 搭車就冇咁辛苦啦....

琴晚都係返屋企煮個麵就算, 食左幾啖, 頂唔住, 嘔返d 麵出黎, 舒服晒.... 繼續食. 數數下, 每日要嘔2次先安樂既, 不過都幾辛苦.... 已經 6 次了 (3天).

LJ

又嘔

啱啱又嘔! 食左橙! 嘔橙!! 好辛苦呀~

LJ

再嘔

琴日放工又嘔了..... 忍!! 忍左成個車程, 戴住口罩, 唔知點解.... 琴日個車箱特別焗! 等到陸先生時, 終於忍唔住啦, 入左西鐵站既洗手間, 好彩冇人排隊. 好辛苦啊   嘔水, 嘔胃酸, 嘔梳打餅.

Babe... Mama 要嘔幾耐先唔會再嘔再反胃呀 ??

LJ

第3次嘔了

繼琴日嘔過後, 今日早上仍然好唔舒服, 好反胃, 好想嘔.

返到公司附近買左個芝麻包, 朱古力奶, 仲有牛肉粥.  食左兩啖粥, 開左盒朱奶, 唔理咁多, 一口氣飲晒先算, 飲完後大概都知又黎啦.... 開始嘔, 將頭先飲晒既朱古力奶嘔返晒出黎, 仲係凍架!! 嘔完真係舒服好多  

返埋位繼續食粥!  有BB 真係好辛苦. 有BB 唔易, 十月懷胎, 又擔心BB 係肚裏面健唔健康, 生時要承受十級既痛苦. 生命真係得來不易, 要好好珍惜! 做媽媽真係好偉大, 而且係福氣!

LJ

嘔

今日早上嘔了, 係我第一次有 BB 而嘔, 依家每日都會作嘔, 冇胃口. 

平時起身我都會飲水, 但係今朝起身飲左水, 轉頭就嘔返晒d 水出黎, 嘔水可能會比食飽後嘔冇咁辛苦 (估 ), 嘔完後, 個人舒服好多

Creamy 聽到我係廁所嘔既聲而吠, 攪笑...

LJ

廳長

陸先生病了, 怕我會被傳染, 依家要少說話, 而且仲要瞓廳, 陰公..... 希望呢兩晚唔好咁熱, 要快d 好返!

LJ

第 2 次~ 7 Weeks 2 Days

Date: 22 July 2011

Weeks: 7 Weeks 2 Days

Body: 0.898cm  (6 Weeks 5 Days)

心跳: 158

反胃, 作嘔, 冇胃口.... 有時令人好唔舒服! 希望 3 個月後會消失啦.....  

醫生話 B 既大細比計既日子細左 3日, 但唔係問題. 因為太細, 未必一定可以量度準確. 雖然係咁講, 始終依家都係未過穩定期, 而且仲係好大既轉變, 變化當中~ 所以都會有少少擔心, 係唔係唔夠營養...??

都係 Keep 住飲牛奶, 比返多d 營養, 希望下次再檢查時, 會有理想既進度

LJ

第一次見你~

Date: 9 July 2011

Weeks: 5 Weeks 3 Days

Body: 0.34cm  

有心跳了!!

今天是第一次去吳醫生診所檢查.  到底你真的存在嗎? 心情很複雜! 亦又驚又喜! 因為現在是最初階段, 不舒服的感覺還未很明顯, 只是胸脹, 脹痛, 特別是睡覺轉身時....; 胃氣; 胃口不太好, 不能吃多, 要少食多餐, 其實肚餓亦沒有胃口.... 幸好, 吃得下, 沒有嘔吐.

今天終於可以到吳醫生診所, 與你見面了  

LJ

大個女了 !

有一天晚上 25 Jun 2011, 陸先生發現 Creamy 有點不尋常, 自己藏起來, 原來 Creamy 大個女了!!

第二天, 買了褲仔給她~

LJ

網上的負面資訊

準備懷孕前後都在網上看有關懷孕的資訊. 很可怕, 有BB 真的不易, 看了很多負面的事情, 令我怕怕~~ 怕自己也是不幸運的一群!

是我不應該再看這麼多負面的事, 令自己心驚膽跳 "攞黎驚"!

希望一切都順利, 健康, 聽話

可能未有太多的感覺和反應, 是! 我真的懷孕了, 但未看到, 未感覺到, 我在發夢嗎?? 星期六約了吳醫生, 到時候就會見到了!

LJ & HO

廣華醫院登記或私家醫院

太多大陸人來港產子, 太可怕了.  1 Jul (31 day) 去了家庭醫生確定證實懷孕, 拎醫生信, 準備第 2 天到廣華登記. 好彩奶奶家的地址, 屬於廣華醫院區內, 而陸先生的電話信沒有改地址, 所以可以登記!

據知廣華醫院是不收大陸孕婦, 而且在產科上是很出名的. 所以, 不選擇近 mami , 自己出世的瑪嘉烈醫院了 ~

登記....等了一會, 已安排了兩個日子.

1. 26 Aug, 9:00am 唐氏早孕篩查

2. 27 Sep, 10:00am 產前檢查

如果可以選擇, 最後都希望到私家醫院生BB, 但是.... 真的不想和大陸人一起困在同一個地方!! 沒有禮貌, 嘈, 污漕.... 等等....  登記床位, 像搶一樣, 到時候可能發現自己到底身處在內地還是香港呢?? 私家醫院明年又加價了.  為甚麼現在的香港會變成這樣!! 既然不開刀, 不擇時晨, 我亦不選擇私家醫院了! 還幫我慳了一大筆! 希望廣華醫院一樣是好好的!!
LJ & HO