生病了

這幾天都病了, 自上星期四喉嚨痛, 以為冇咩大不了, 到左下晝開始乞痴, 夜晚仲發燒, 病菌既辦事能力真係高,. 屋企又冇藥食, 都冇辦法啦, 食住傷風藥頂住先!

到左第二朝 5 點又再起身探熱, 已經去到102度.... 唉... 又唔知去唔去睇醫生好, 陸生又好似唔知點, 叫我瞓醒去睇醫生, 不過以我所知 102度唔係低燒了. 於是我話我自己去睇醫生, 同時陸生 Call Taxi 一齊去. 去到醫院只有幾個人, 所以我都好快睇完可以返屋企, 因為醫院既藥房要 9 點先開, 佢地只係比左小小藥我, 其他既藥要待藥房辦工時間先有得攞, 叫我再返去.  傻啦.... 我好辛苦呀, 仲要返去攞藥......

但到左下晝, 好熱呀..... 發到 104度  好驚呀.... 陸生叫我打電話去醫院問, 佢地只係話, 要食埋d 藥, 觀察下咩情況, 如果有需要先再返去. 我呆呆下, 好攰.... 夠鐘食埋藥, full 住毛巾, 係廳瞓左, 流左好多汗. 到左晚上, 已退到 102度了 .   病真係好辛苦!!

星期六, 燒還未退, 太攰啦, 返唔到工! 下晝返荃灣睇醫生, 冇燒啦. 太好了

到今日仍然係呆呆地, 好攰....胃口都差了.....

LJ