未來小主人

前一陣子煩惱緊一d 問題, 可以話係人生中都幾重要既問題.  結左婚係唔係需要小朋友呢?

1. 呢個世界越黎越亂, 唔好話依家既年青人好難管教, 連呢一代既父母都癲晒~比好多物質, 過份既寵愛自己既細路, 密密麻麻既課外活動, 名校... 等等, 真係好幸福, 不過大人同小朋友既壓力都相對好大! 長大後, 如果仲要照顧返佢地, 問父母攞錢, 就慘啦..... 少少嘢就話去自殺, 吸毒  真係唔生好過生!

2. 環境, 世界既變化, 令我覺得, 呢個地球生存得越黎越辛苦, 好似陸生話齋, 地球唔適知人住! 我唔想小朋友出世, 就要同我地一樣, 不停面對壓力, 日日唔好既新聞, 人生要面對既唔開心, 人同人之間既猜忌, 競爭, 黑暗既一面... 等等........ 其實做人都幾辛苦.

3. 當年紀再大既時候, 又想要咁點呢? 唔要將來會後悔嗎? 諗下又一年, 諗下又一年, 係唔係要計劃一下, 有仔要早d 生?

4. BB 出世要搵咩人揍呢? 經濟能力許可嗎? 要搬近 Mami 嗎? 將來既問題要點為佢去做, 幫佢去學習人生既路係點行呢? 去認識對與錯.  我地有咁既能力嗎? 唔希望生左個破壞者出黎, 害人害物.

呢 d 問題我都諗左好耐, 好矛盾..... 覺得一個家庭係需要有小朋友, 但唔係依家, 我地仲係享受2個人多d

好多事現在都慢慢 planning! 首要做既事係搬近 Mami! 然後, 所有事情穩定後, 可能就係未來小主人既來臨.

LJ