嬲到變臉

昨天睇電視時骰骰係我地後面搵嘢, 真係煩... 睇緊電視架麻

係麻麻煩煩之下, 我唔知做左咩動作次下, 骰骰發脾氣, 又追住我隻手咬!! 好彩我習慣都舉起雙手, 逃過被咬, 不過佢真係衰仔比老豆寵慣晒, 咬到我件衫呀 !!!!!

一怒之下, 攞起拖鞋打! 每次被鬧佢都會走入枱底!  身邊既陸生仲嬲過我, 變色都變埋, 拉開d 椅~

我問: 你係唔係比佢咬到

陸生答: 冇呀

當時我心諗, 點解你既反應會咁大?? 仲大過我??  你真係好嬲呀!! 我未見過你咁, 你嬲到連個樣都變埋, 好得人驚, 我好唔鐘意, 點解會咁架??
教訓完骰骰後, 大家都唔理佢, 只有老豆話我地蝦佢! 哼~ 骰!! 你已經被寵壞啦, 第時搬去新屋, 我地就要好好教你啊!
事情過後, 仍然諗起你個惡樣, 好似想殺人一樣, 真係好恐怖
同你講返, 你話怕有一日我會又再比佢咬多一次, 一定要教訓!! ... 唉... 都唔止一次啦..... 我諗你真係忍左好耐!
我感覺到你對我既緊張啊  不過你變臉個樣好驚呀

LJ