大前晚開始阿仔開始發燒，到半夜4點全身都好熱38度，拿拿臨起身喂退燒藥、退熱貼、抹身，可能太攰太眼瞓，阿他女抗拒食藥、貼退熱貼。第二朝又開始發燒，帶阿仔睇醫生，阿仔冇任何病徵，根本唔知咩事，醫生只係話有可能係感冒，因為有抵抗力未發出黎。但之後，食藥就退煩，唔食又燒返。
琴日再睇多次到底係咩事，希望揾到病因。醫生睇到喉嚨開始出左粒粒，遲下會變做痱滋會好痛，手腳有機會出痛既紅疹，叫'疱疹性x 喉嚨炎' 手足口既親戚。wooo...好恐怖。都好啦，揾到發燒既病因，對症下藥會好快好返。呢個病，微燒時會打冷震同發冷，比阿仔嚇親。所以一定要定時食藥退燒、消炎止痛藥、早晚抗生素。今日已經第三日，醫生話會大約燒五日，陰公豬啦，好快過啦....會好快好返！陸生話應該係Playgroup 傳染返黎，話要同學校講聲。
