入伙拜神

今日初十五, 係好日子. 我地揀左今日拜神, 象徵新居入伙儀式  今日Auntie 又幫我地買嘢拜神啦

門口

有雞有燒肉

  

簡簡單單又過左一日! 建立一個家認真唔簡單! 每樹每木, 每樣物件都係逐少逐少建立. 感覺好 warm, 好厲害!

我要重新好好學習!!

LJ

我們擁有滿分的家 II

非常凌亂

張床褥真係好舒服啊!!

13吋半厚, 都幾巨型

露台亦唔放過

真係好攰呀!!! 全部嘢都係陸生執架 ~

LJ

我擁有滿分的家

真係好攰好攰, 食飯都冇咩胃口..... 全日都冇咩精神  但我仍然想舒發一下我既心情  難以形容又幸福既心情.

今日我地搵左陸生既舅父幫手車 d 嘢入新屋, Auntie, 婆婆, 舅母佢地都黎左

建立一個家, 一個兩個人既家, 真係唔簡單, 好彩有媽咪...Auntie 佢地平時幫忙  而每一次去到新屋都會多一樣嘢, 今日張床褥終於到左啦  好開心呢!!

大家都走左後, 佢有佢幫, 我有我忙, 雖然我真係好攰, 但係我都好用心去 ready 我地既新居. 當係廳時, 望住個mini DVD mon~ 聽住歌~ 博埋喇叭同 hi-fi... 一路聽歌, 歌既melody... 歌詞...都令人覺得好幸福  為我未執拾好既屋企影相時, 瞓係新既床褥, 嘩!! 我已經叫住... 好舒服呀, 真係好舒服呀....   好開心, 陸生就只好企係我隔離望住我   真係好舒服ar.....

係~!! 呢個就係我地將來既家, 原來由第一步開始, 我地已經慢慢咁建立緊未來. 一步又步行近. 我感覺到 "擁有" "二人世界" "兩個人" "幸福" "一個全新既家~所有事物都係新". 一切都黎得好自然! 以前既經歷, 係我地既 Base, 係我地既 History, 一齊經歷, 直到以後........ ......

LJ & HO 幸福

幸福唔係必然, 一定要好好珍惜!!

 

新傢俬

琴日28 Oct 09 下晝陸生到左新屋準備迎接訂造好既傢俬

晚上放工, 我急急忙忙入去 look look kekekekeke~ so happy!!

同陸生相約後, 一齊晚飯, 然後買左幾張櫈.

喂呀! 下次要等埋我先可以一齊拆呀, 哼 ! 留返件比我都好呀~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Yeaaaaaaah! 傢俬都唔錯ar~ 只係個地台比想像中闊. 總括有 80分以上, Good Take!! 不過 See Fu 漏左梳妝枱上面既玻璃, 同埋一part TV 櫃要返廠再整, 因為送貸途中比其他傢俬壓裂左

唔錯~ 我地襯色, 設計都好 match! 一個字 "好" 而且滿意

LJ

燈! 燈! 燈! 燈!

係時候又要放相啦~  將來睇返呢個 Blog 都會幾得意!

客廳水晶燈

 飯廳水晶燈 ~ 好光!!

細房燈 ~ 陸生所愛　

大房燈　(冇開燈影，所以比較暗)

終於都裝好左啦　

LJ 

10月17號的星期六~ 好嘢!!

最近, 都有好多嘢要做, 每個星期都要去新屋裝嘢, 買嘢. 

裝燈真係裝到一肚氣, 仲要分2次裝, 個女人直頭唔想再提! 師傅帶情緒做嘢, 粗粗魯魯仲要撞崩左大門口上門個門框, 仲差d 跌左個燈泡落地下!! 上星期終於完成, 真係鬆晒, 因為以後都唔會再幫襯呢間冇良心既黑店! 唔會再怕佢地上黎整爛嘢同爭論事件! 不過... 要搵人上黎執漏返d 崩位 la, 唉.....

窗簾布都完成啦!! 我地好滿意啊, 而且佢地都話平   

煤氣都開埋

上星期六一次過完成晒 3樣嘢. 陸生話:  我地既間屋開始成形啦~

我期待既 Shuttle bus 上星期六都開始運作, 有勞大家、其他業主既一番努力先會咁成功! Yeah!!

唔錯呀~ 好多嘢都好順利   要繼續努力.

LJ

打風後的新屋

由上星期尾起開始有點作感冒, 加上要收樓, 真係好攰

因為公司有同事確診 "流感" , 當我有少少喉嚨痛就馬上去睇醫生了. 藥力太勁了, 係巴士上瞓到矇矇矓矓, miss 左好多個陸生既電話, 要落車後先知. 真係好攰呀!! 同陸生食過 tea 後... 到元朗join 豪媽佢地. 而我決定唔食藥

呆呆滯滯左2日, 星期一唔想返工, 再睇多次醫生, 今次既藥唔可以再係咁攰啦~ 真係頂唔順 因為同事確診既關係, 醫生比我放兩日sick leave, 終於都可以休息一下啦  中午時還要到感流診所驗流感, 不過佢地錢就識收, 唔同我驗wor, 因為我冇發燒, 唔係高危病人, 所以唔check! 我連藥都唔要就走左 (又唔係我想, 係公司要我驗jar). 返到屋企, 打電話去醫院管理局投訴!

心諗: 只係我冇爆發出黎姐, 依家周街都係啦~ 已經好普遍.

回家睇discuss, 陸生話有鄰居, 因為打風後間屋入左水, 仲有相為証.  大家都有d 心急, 於是食過晚飯後, 我地就出發去新屋睇下.  Check 左一輪, 好彩...冇事...冇入水  大家都安心. 

仲執緊 Defect, 完成後... 第一步係整窗簾   yeah!!!

LJ