The first time swimming

話說原本7.1 約左大嫂佢地同小朋友去清水灣游水, 點知遇著打風, 怕落雨取消左.

7.14 再約, Nok Nok 第一次去, 佢真係好驚落水.  第一: 已經驚驚地, 第二: 一落水就食左幾個浪, 仲驚左, 第三: 可能d 水都凍凍地, 所以唔鐘意. 一放落水就鬧人啦

唔緊要啦, 都係第一次, 下次 Daddy, Mami 帶你去泳池會好開心架

Mami                    

連續幾日發燒

7月6日晚開始, 去完奶奶屋企食飯返屋企, Nok Nok 沖完涼全身都好慶, 原來發燒,  一發就好幾日, 最高高過39度.  琴日係身上見到紅點, 醫生話係病毒疹.  陰公豬, 又唔肯食, 又發燒瘦晒啦....

幾晚裹面, 半夜發燒, 大家都即刻彈起, 幫 Nok Nok 換退熱貼, 抺身, 食藥, 擔心.... 差不多個幾鐘後, 燒開始慢慢退, 大家可以再瞓多陣了.

Mami

清明回鄉記

Nok Nok 一歲了, 我們決定帶Nok Nok &婆婆, 我們一家人回鄉 去探親了

X'mas 搬家

回想起我們一家三口搬到 Mami 家住, 全因為諾諾, 希望每一天都可以有更多時間一起, 方便照顧, 將來讀書, 等等....  所以決定賣樓.  其實好唔捨得, 但為左阿仔, 我地做出決定.  意外既係, 第一個買家上黎, 已經好鐘意, 要買了. 我地都沒想過這麼快, 於是順利成章地賣樓, 簽約. 沒記錯好像時上年十月, 交樓期十二月最後一天.  在十二月二十五日我地已經揀好日子搬家了!

希望在不久將來, 可以再有我們另一層樓

LJ

一歲了!! Yeah!!

諾諾豬一歲啦!!

Clap~~

由出世不久, 開始教 Nok Nok 拍手, 一齊拍手, 呢兩日開始有所動作啦!  仲有 2 星期, 新年就到, 到時候合埋手~ 恭喜, 恭喜你會識嗎?

期待中~~

Mami