煮飯仔

好開心啊, 仲有幾個月, 我就會有我自己既廚房啦 到時整咩都得!  最緊要買個焗爐先!! Yeah~~

講真, 煮飯, 整嘢食, 對我黎講唔係好難, 有時都要講天份既 ~  你知嗎, 當我讀小學時, 已經好有興趣係廚房睇媽咪煮嘢同幫手.  大大下, 仲會負責一家人既晚餐, 家常便飯對我黎講一定冇問題. 自從出黎做嘢後, 就少煮左好多.  等遲下呢, 我會再讚研多d, 學多d.   諗起都想食! 仲要學下煲多d 唔同既湯. 

而問你想食咩, 你次次都話冇所謂, 煮咩都食  不過有時要諗煮咩, 都幾煩架.

LJ

想整餅

呢幾日無端端好想學拿破崙蛋糕.  你知嗎, 真係好好好味架! 呢個Cake 係Royal Garden 既拿破崙餅, 食過咁多次, 依然一樣好好味

另外拿破崙蛋糕, 就令我諗起學葡撻, 我都想學啊  

呢兩樣我都鐘意食, 不過.....係邊度學好呢?
LJ

四月二日

唔開心的08年4月2日..... 唔開心的09年4月2日.......... 好唔開心呀~~~~~~~

LJ

又1袋2袋 ~ 鞋

琴日放工去攞返對鞋, 原因係上星期既weekend 係Stacxxxx 買左幾對鞋順便Join 埋個member.  返到屋企即刻入房, 以免媽咪又話: "又買鞋!!" 入到房間, 我見到1袋2袋, 到底係咩呢 ~ 有幾對新鞋啦, 餅card 啦, 結婚既資料, 收據啦...... 全部都放晒係地下

kekeke.... acutally I'm lazy  我好耐都冇買鞋啦.....除左波鞋....... 講起鞋, 有對鞋我一次都未著過, 就係比人話幾時著?? 其實我都唔知幾時著好.... 又冇去跑步又冇去行山又冇去打Tennis.... 咁你話我幾時著好啦...... 平日我唔會著架, 唔駛再講! 一係....比左媽咪啦...{still thinking}. 數數下, 個鞋柜到底有幾多對我既鞋呢?? 第時要造一個我既鞋柜先得.

LJ

新居討論區

呢兩日係討論區 chat 左一輪, 覺得有d 偏激, 不同既人有不同既見解 & 想法, 選擇住邊一區, 邊一個地方, 都係自己既喜愛, 但係點解係都要踩人呢?? 係都要話唔好呢??

大家而唔係互相鼓勵同支持, 好有貶低別人既感覺.  好多問題已經講得好清楚同明白, 各業主都話係自住, 唔係投資; 都話係為環境, 而唔係為方便; 有時我都唔知佢地係咩心態, 係都要話唔好


如果要數唔好, 根本大家都講唔完, 真係好煩

 

講到底, 自己人講返自己人既事會好好多!

而我最想知既係, 到底前面會起咩呀

無論人地講咩都好, 你都唔會理, 因為你已經覺得好滿足, 好滿意. 現在最開心一定係你啦, 知道你好鐘意呀

LJ

Water & Fruit

話說上個月尾開始, 同個同事Join 左一個健康飲品既course..... 飲左兩次後我已經唔想飲啦, 因為唔係幾好飲.  不過就由o個日起, 我開始每日Keep 住飲 Over 1600ml 既水, 未計幾他飲品 ~ 以前, 我好少飲水, 就連去'針' 水都懶 , 水淡戌戌真係唔好飲.  依家好好ar, 已經開始習慣.

前日同Vic Vic Babe 講起食生果, 一向我都唔鐘意食生果, 依家都要日日食啦 ~ 因為, 為左靚, 為左健康, 其實食生果.... 何樂而不為呢.  所以由昨日起, 我開始食生果. 

我要記住! 一定要堅持, 習慣成自然, 年紀開始大, 唔可以唔Keep 架啦!! 

 

飲水...食生果, 除左因為健康, 希望到結婚時有一個最佳狀態.

LJ