《Make A Wish》蔡卓妍

《Make A Wish》蔡卓妍

非洲跟斑馬合照　冰島睇一次下雪 孩提時懷抱的理想　總不會忘掉
光陰多太少　飛進樂園 幻境中探險

天空中優美夜色　應該伸手去摘星 看每對冀盼的眼睛
請准我承諾　伴你共行艱苦路程 沿途是笑聲

Make a wish
不能更改天氣幻變 但仍盼望笑面重現
聽一聽　那心願 夢也可實踐

To dream a dream
蔚藍的天不再下雨 豔陽照射悲傷退燒
笑一笑　再許願 現實有不盡意 都可改變

假使身體壯健些　他想開一次列車 如巡遊城市的勇者　這一個宏願
別種在人心的荒野　才成熟快些

Make a wish
不能更改天氣幻變 每夜仍渴望笑面重現
聽一聽　那心願 夢也可實踐

To dream a dream
蔚藍的天不再下雨 豔陽照射悲傷退燒
我跟你　再許願 入夜晚星在照
To make a wish

(Make a wish
不能更改天氣幻變 每夜仍盼望笑面重現
聽一聽　那心願 夢也可實踐

To dream a dream
蔚藍的天不再下雨 豔陽照射悲傷退燒
我跟你　再許願 入夜晚星在照
To make a wishMake a Wish - sa

我們第一次的 Wedding Exp 2008

上星期六我地一齊去左 Wedding Expo 2008 仲有Fung Fung佢地.

無諗過原來有咁多嘢睇, 去到會展後, 我地揀左行 Hall 5先, 一入場, 好多人向我地派宣傳資料, 有婚紗啦...有攝影....租車...婚前檢查...化妝...帖....禮品...等等, 好多好多.  仲有Model 著住d 婚紗同晚裝, 好靚好閃.  有人問，影左相未ar? 我地有Package...包咩咩咩wor.  揀左日子未呀? 攞份去睇下啦? 當我收到第一份芝柏既Brochure 後, 我發現"一生人一次, 一定要好好地安排", 已經改變左我之前所想.  當Fung Fung 佢地睇相時, 我同豪都比一個Video 吸引住, 睇左幾次, 都仍然覺得好好睇...好好笑...就係玩新郎啦 !!!　一路行, 個袋就越重, 大會比我地既袋都裝得滿滿, 一個袋都唔夠 .  不過, 咁啱比佢攞到一個大袋wor. 第一個Hall 都未行完，已經有咁多嘢, 行第2 個Hall 個袋咪仲重??

好啦，就輪到Hall 7A   o係門口，已經有好多人排隊買餅Card, 美心個Counter 都坐到滿滿!! 勁!! 有唔同既酒樓同酒店都有擺Show, 出年一定係好多人結婚啦．價錢都已經Set 好晒, 邊段時間，邊個日子會收咩價錢.  出年會仲貴啊!  美心個Hall都幾靚ar,...唔知會唔會係影相個原故呢?

已經行左半日，真係有d 攰!  食左少少嘢之後就要趕返屋企啦，因為係o肥o肥生日!

今年10月記住要訂酒席啦!!

LJ & HO

http://www.wedding.expo.com.hk/v8/a_index.php

http://www.iweddingclub.com/

三生

有冇人相信三世?  前世、今生、後世..... ? 冇人知道自己有幾多個前世, 但係, 係唔係真係前世所做既事，註定今世要還?  到底我地既命運係由自己控制定係上天已經有一個安排? 好玄

城門水塘~水滿瀉啦!!

20.6.2008 係大雨後既第二日.  我地去左城門水塘, 因為好想睇下水塘既水有幾多, 仲要同骰骰去行街街 tim .....  各位: 呢個月, 差唔多日日都落雨, 落到鞋都爛埋....天呀, 你為咩事咁傷心, 日日都o係度喊呀??  你好極端wor, 一係就曬到不得了, 一係就日日嘩嘩喊. 

See....我同骰骰都好開心啊

因為水太滿, 所以d 水會由呢度流走. {我都係第一次見到呢d 嘢 jar!}

平時, 山上冇咁多水架.
眼見水塘滿到瀉, 感到好滿足~~ 我地要懂得感恩...珍惜...做事要飲水思源.
@!@
LJ & HO

RABEANCO Wallet

蝦肉色

RABEANCO

個日去左行街, 打算去Rabeanco 再買袋.  點知買一個既我, 竟然超出預算....買左兩個ar.....!  仲唔止, 因為豪覺得個銀包幾靚, 所以都買埋. keke....最後我地買左兩個袋 /壹個銀包/再加....多支~~ 擦皮既膏.  好開心ar hohoho

THANK YOU!!

LJ...幸福

一個地方

又過左半年, 一切都好正常.

開始時大家都唔知買邊度好.  睇左d 新樓,....一入到去, wah!!! 嚇親呀, 實用面積, 同個價錢真係唔 make sence.  好過份. 一d 都唔實際!  佢o個兩間房加埋, 都唔夠我媽咪間房大! 仲要 mini. $300萬...冇天理.   之前有想過村屋, 因為貪佢環境大, 有車位, 空氣ok...更重要既係平!  平~~ 元朗就平!  西貢都唔錯?! ummm... 但, 經過各方面既因素. 都係唔好. 唉...真係好煩呀, 搵一個自己既地方, 真係好傷腦根, 加上各方面都要兼顧, 家人...地點...等等...!   冇從入手

但係, 有一次, 因為豪要幫一個朋友搬屋時, 我發現左一個唔錯既地方..... 就係朋友住既地方喇! o個日係落雨既夜晚, 環境唔錯, 雖然唔係d 咩新樓, 但聽講以前係豪宅. o個一帶都可以說是一個屋苑. 之後, 朋友仲想招呼我地上去坐, 不過...都係唔好lu, 都夜啦唔好騷擾人, 朋友真係客氣.

上星期, 我地轉登落車去行下.  最後都係o係地產舖門口睇下, 感受下個環境. 都冇周圍行 lu.  有時o係網上 & 報紙留意下行情.  我同豪都覺得o個度唔錯.  佢對我講 " 我地依家就全力集中o係 xx 啦 !"    xx <-- 係咩.....hohoho....唔話你知住.  所以, 我地依家仍然努力儲錢啊.

第二日係父親節, 我地同屋企人飲完茶之後冇嘢做, 又冇揸車, 行行下就去左試撘西鐵!  你知嗎?  好快ar,  呢次係我同豪第一次坐西鐵, 由荃灣西鐵站到天水圍, 都係只需要 15分鐘, 我地來回用左30分鐘, 真係好快, 不過....我地返到荃灣西鐵站, 扣左我地 $10 呀, 我地都冇出過閘,點解要扣我地 $10 咁多喎, 激氣!

P.S.我地發現左個好地方比我地同骰骰散步呀.  地點下次公佈.

LJ